منتديات جمانة فلسطين

منتديات جمانة فلسطين (Http://www.jomana.net/vb/index.php)
-   الاخبار العالمية والمحلية (Http://www.jomana.net/vb/forumdisplay.php?f=90)
-   -   اسلوب سعيد الطويل بخليلنا نحب نتابع الاخبار (Http://www.jomana.net/vb/showthread.php?t=27667)

ورد 09-01-2022 01:26 PM
اسلوب سعيد الطويل بخليلنا نحب نتابع الاخبار
 
✅يكتبها / #سعيد_الطويل

▪︎الجمعة الأخيرة بفدوس أولاد المدارس ..تقريبا كانت أطول عطلة من سنين نحس فيها زي هيك..

▪︎كمان اليوم آخر زيارة ممكن تكون للنسوان لدور أهاليهن،بعدها شغل دفاتر وتسطير وكتب وتجليد وبرري القلم واغسلي الجرابين

▪︎موسم الشاليهات تقريباً شطب،ولو ناوي تحجز الأيام الجاية اسعارهم نزلوا للنص تقريباً

▪︎تصريح بايخ زي كل مرة ،مجدلاني بيقول انه شيكات الشؤون حتنصرف الشهر الجاي

▪︎الوكالة بتقلك فش معنا مصاري ووضعنا صعب ودخلنا مرحلة التشقف ..صايرة تشكي زي أم فؤاد طول نهارنا تقلك من وين ياحسرة..

▪︎تذكرة حضور مهرجان فوزي موزي بغزة ب30 شيكل ومضلش ولا تذكرة مش محجوزة كله شطب

▪︎حكموا بالإعد.ام شنق حتى الموت للي قتل المواطن عاصم العرعير بغزة

▪︎ممدوا اعتقال بسام السعدي ورفضوا الافراج عن عواودة إللي لسة مضرب من 177 يوم

▪︎الشؤون المدنية معندهاش علم بتصاريح النسوان ،وأصلا محكوش فيه مع شلومو ،يعني راحت عليكي يا ميسون

▪︎أبو مازن مدد حالة الطورئ 30 يوم جداد عشان الكورونا، ع أساس في كورو.نا يعني والبلد مسكرة.

▪︎كيلو الجاج ب9 شيكل والمانجا الرطل بخمسة شواكل للعصير والبلح الاصفر الفرط مش القطوف الكيلو بأربع شواكل

#صباح_الخير لكل أب وضعه صعب و عنده كوم لحم ومصاريف المدارس هلكته هلك ، وبيحاول قد ما يقدر يفرحهم وما يكسر خاطرهم ويجيبلهم أحلى شنطة للمدرسة

#صباح_الخير لكل أم صاحية من الصبح تخبز الصاج وتحشي الجاجات وتحضر أمورها لاستقبال أولادها وبناتها المتجوزين

ورد 09-01-2022 01:28 PM
والله يا سعيد انا اليوم صاحيه ومستعده لاستقبال بناتي واولادهم
مع انه الوضع رح يكون عندي هيك
:mf_swordfight:

هدوء . 09-01-2022 06:18 PM
كان الخميس عنا غير
حلو واستقبال واجتماع
وقت غابت مامي غاب الخميس وقعدته
وبقى يوم بفتكر فيه ذكريات
موضوع جميل
سلمت الايادي

نور الروح 09-03-2022 11:20 AM
اي سعيد الطويل بخلّيك تستمتع بالأخبار :123:

يسلمو ع المتابعة وردتنا.

ورد 07-04-2023 02:24 PM
اقتباس:
المشاركة الأصلية كتبت بواسطة هدوء . (المشاركة 381783)
كان الخميس عنا غير
حلو واستقبال واجتماع
وقت غابت مامي غاب الخميس وقعدته
وبقى يوم بفتكر فيه ذكريات
موضوع جميل
سلمت الايادي
الله يرحمها امك حبيبتي سكون
وان شاء الله بيتها بضل مفتوح بوجودك ووجود الوالد وربي يعطيه الصحه والعافيه ي رب
نورتي حبيبتي♡

ورد 07-04-2023 02:24 PM
اقتباس:
المشاركة الأصلية كتبت بواسطة نور الروح (المشاركة 381877)
اي سعيد الطويل بخلّيك تستمتع بالأخبار :123:

يسلمو ع المتابعة وردتنا.
الله يسلمك ي رب نور
وتسلمي للحضور المميز

هدوء . 10-10-2023 11:59 AM
رحمة الله عليك
سعيد الطويل


الساعة الآن 08:44 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas
User Alert System provided by Advanced User Tagging v3.1.0 (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.