حبه بقلبي مشيدٍ له مداين
 

حبه بقلبي مشيدٍ له مداين

زلازل ظروفي ما هزّت مبانيه

يقسى علي الوقت وآقول لاين

مادام لي روحٍ فحبي أبرجيه

لو هان بعيونٍ فلا هو بهاين

يكبر بعيني كل يومٍ وأراعيه

ماين علي وعلى هالقلب ماين

عقلي يجيبه لي بكلمة يوديه

عذاب قلبي للملا صار باين

آذوق مرّه وآتوسل له آبيه

ما دام ما حبه بهالكون كاين

ولا أغلاه شخص ٍ كثر مابقلبي أغليه

يحق لي أطالبه مثل داين

يحق لو طالبت كل الملا فيه

أدري يبيني وأدري للود صاين

لو أشك في وده والله ما أبغيه

أنا وشعري كلنا له رهاين

شوفوا قصيدي يوم لي حل طاريه

لـ*الشاعرة اسيرة الصمت

صح لسان الشاعرة وسلمتِ عطر على روعة الانتقاء
قصيدة جزلة واكثر من رائعة .. ذائقة جميلة
يعطيكِ العافية على روعة جهودكِ وانتقائكِ
الله يسعدكِ لا خلا ولا عدم

لكِ كل شيء جميل :رحيق:

ربي يسعدك اسعدني مرورك
وممتنه على الاشياء الحلوه
ما انحرم

ماشاء الله صح لسانها و سلمت يمينك قصيدة جزلة

:رحيق:

نورت اخوي ما انحرم تواجدك