ماني بقايل لامنّه ضاق : وش جايبه ،
 

وأنا من النوع لامني زعلت / استخير
وأركد عشان الخوي ،، لو كلمته عايبه
،
،
وإن وصلت للكرامه : وصلّت للأخير
ماني بجي في مكان وعزتي غايبه
،
،
اللي تصاغر مقامه عاش عمره صغير
وإلا المقدر مقدر / لو حضر نايبه
،
،
وإعرف بأن الكبير إن غاب يبقى كبير
ونفسه عن الجود والطيبه مهي تايبه
،
،
ومن صد عني وقفّا بالنهار العسير
ماني بقايل لامنّه ضاق : وش جايبه
،
،
ومن فضّل المصلحه على خويه حقير
مهما إدعى فالمراجل رفقته خايبه
،
،
ومن كان وافي لربعه ماتغيّر / أمير
هذاك هو الوليده حب لي شايبه
،
،
صداقة أهل النقا / فيها معزه وخير
وصداقة أهل الردا مردها / ذايبه
،
،
يارب أبي قوتك كاني نصيتك كسير
عبدك يهابك وغيرك ماني بهايبه



الشاعر.. مبارك الحجيلان

قصيدة قمة في الجمال والروعة
ابداع في الكلمات صح لسان مبارك وسلمت اخوي سلطان على جلبها لنا
يعطيك العافية على الانتقاء المميز
بارك الله جهودك .. الله يسعدك

لسموك :رحيق:

شكرا من القلب لجماال حضوورگ الأنيق وكلماتك العذبة
ممتن لك بحجم السماء :152: