منتديات جمانة فلسطين

منتديات جمانة فلسطين (Http://www.jomana.net/vb/index.php)
-   مقتطفات عآمة (Http://www.jomana.net/vb/forumdisplay.php?f=15)
-   -   شوف الألم .. كيف جيشه معك داهمني (Http://www.jomana.net/vb/showthread.php?t=20636)

الغارس 01-11-2019 04:41 PM

شوف الألم .. كيف جيشه معك داهمني
 
شوف الألم .. كيف جيشه معك داهمني





2232.gif





للحين ساكت على ظلمك .. وزلاتك





واقول : يمكن يجي يومٍ .. وتفهمني



أرخيت لك حبل ودي .. رغم سيّاتك



ما هوب ضعفٍ .. ولكن حب يسكني



جيتك حبيبٍ عشق حزنك .. وآهاتك



حتى دموعك على الخدين تتعبني



جيتك أغيّر خطوط الهم بشفاتك



أبيك ترسم حياةٍ فيها تعشقني



لقيت طبعك غريب .. وموتي بسكاتك



تسج عني .. وانا اللي منك متعني



وانت الذي لو طلبت الروح ذي جاتك



ولو تطلب العمر .. قلت : العمر لك مني



ولو تسرق النوم ..قلت : اهناه بسباتك



ولو تسلب العقل .. قلت : الله جنني



ولو تقتل الفرْح .. يفدا بعض مرضاتك



مع إنك انت الذي دايم علي تجني



سيّرتني شرق .. وقلت : الغرب مشهاتك



طوّعتني لك .. وانا محدٍ يطوعني



يا سيدي .. والغلا هو شوف بسماتك



حرام أداوي جروحك .. وانت تطعني



يا سيدي .. الحب ما هو حرف صفحاتك



ولا الشوق .. وينك ؟ ضروري اليوم .. كلمني



يا سيدي .. شوف وجهي .. تلقى غلطاتك



شوف الألم .. كيف جيشه معك داهمني



ما هي مروة .. يعاند صوتي إخفاتك



ولا هيب شيمة .. أنا ابني وانت تهدمني



أقلّها لا لفيتك .. زيد ضحكاتك



أقلّها أرتوي .. لو كنت تخدعني



أبيك حيٍ .. ولو الموت هو ذاتك



أبيك لحظة .. ولو بالكذب مستني



جامل عزيزٍ طمع في بعض كلماتك



اجبر بقلبي دقيقة .. وبعدها اقتلني



لا شفتني قول لي : وش آخر أبياتك ؟



ما انت الذي فيك شعري ونثري وفني



حس بحضوري .. مثل ما اعد غيباتك



حسسني إنك تبيني .. وارتحل عني



إلحق زمانك .. قبل ما اقول لك : فاتك



قطار عمرك مضى .. والخافق يوني



توني عرفتك .. قهر .. وتبين نيّاتك



من لا رحم خافقي .. ما هوب راحمني



للحين ساكت على ظلمك .. وزلاتك



وإن ما فهمت الغلا .. ما ابيك تفهمني

إمبراطورة البحر 01-11-2019 11:33 PM

رائعة جداً .. صح لسان قايلها وسلمت يداك اخوي الغارس على نقلها لنا
يعطيك العافية على الانتقاء الجميل ..
الله يسعدك

لسموك تقييمي وإعجابي و :رحيق:

امي فضيلة 01-12-2019 01:39 AM

مشكوووووور والله يعطيك الف عافيه الغارس

على الانتقاء الجميل

صح لسان قائلها الله لا يحرمنا من جديدك القادم


الغارس 01-13-2019 03:12 PM

شكرا على المرور الجميل
امي فضيلة


الغارس 01-13-2019 03:12 PM

امبراطورة البحر

اكاليل الورد 01-28-2019 09:09 PM

، الله الله يجمال تلك الكلمات اخوي الغارس جميلة جدا جد .....احسنت الانتقاء

الغارس 01-29-2019 12:58 AM


شكرا على المرور الجميل
اكاليل الورد


واثـــ الخطوة ـــــق 02-10-2019 10:59 AM

الله الله كلمات جميلة و ذوق عالي

انثى مختلفة 02-10-2019 06:45 PM

يعطيك العآفيه ع الانتقاء المميز
بإنتظآرجديدك بكل شوق.


الساعة الآن 12:19 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas
User Alert System provided by Advanced User Tagging v3.1.0 (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.