قصتي ياهل الهوى
 

ثار الفؤاد المكتوي بالنار و زادتها جروح
و الهوى في دنيتي طفل تحدر مدمعه
قصتي ياهل الهوى ماهي سوالف لي تلوح
أو شواهد حيرةٍ فيها تشابه أقنعه
قصتي ياهل الهوى احداثها تمضي و تروح
و فيها كل التضحية و فيها خضت المعمعة
ابتدى وقتي غزل وارتفع سقف الطموح
وانتهى وقتي كآبة هم ما اقدر اجمعه
ياحيف ياسنين الهوى تعبت ادورها نزوح
تعبت ادورها لقى فات العمر ما أسرعه
والدرب يا ربعي أنا ضيعت درب الحب نوح
كني رايح للرياض و حبي وسط المجمعة
انتهى حبي نكد انتهى حبي جروح
انتهى حبي ألم قبل استلام الأمتعة
سبحان ربي واهبٍ اللي يعوضني ببوح
آخر دعاء الليل يا رب العباد الخاضعة
واسمحيلي يالغرام ان كان لي وجه سموح
ماعاد لي شفّ الهوى ماعاد لي روحٍ معه
اعترف لك ما بقى من عالي الهمة سفوح
ان لزمت الصمت أو حتى لبست الأقنعة

بقلم : واثق الخطوة

حصرية لمنتديات جمانة

قصتك يا صاحبي حطمت قلبي ..... وروح
والهوى يبقى الهوى والغزل يبقى معه
خلك مثلي يا نما بالهوى دايم .... جموح
ولو قالوا لي شيبتك ما تناسب .. مفرعه
والله اني لالقفه واشتكي شوق وجروح
والعود مثلي الينتشى بالهقاوي يقنعه
اما يجي مقتنع في كلامي ..... والوضوح
والا لعينك يالحبيب والله اني ..... لاصرعه
كم من ليل نسهره مع ابو قرن ...... يلوح
وكم من ليل يجدعن حبه والا ........ نجدعه
خلك طامح يالحبيب واحلا ما فيك الطموح
وانتظر منك الخبر ، اللي يشعشع شعشعة
ارتفع فوق الهضاب وارتفع فوق السفوح
ولا يهم ظبي الرياض او ظبي ... المجمعة
المهم ودي اشوف الواثق هو .. والصبوح
والواثق معه الغبوق يشرب مشرب مترعه

صح السانك واثق الخطوة ، ولا نقبل منك الهزيمة امام الغرام . عادك شباب وامامك الكثير . حفظك الله

الله .. صح لسانك مديرنا واعتلا شانك
قصيدة جزلة ورائعة وبوح عذب رغم الألم ورائها
ابدعت جداً حتى النخاع من زمان عن روعة قصائدك
لا خلا ولا عدم لا تحرمنا جديدك المميز
ورد فخم ورائع من شاعرنا القارظ كالعادة
الله يسعدكم ويحفظكم

لسموك كل شيء جميل :رحيق:

حضور انيق بعد غياب طويل عن هذا الجمال
صح لسانك شاعرنا
ابيات جميلة برغم ما تحملة من الم
سلمت ولا حرمنا هذا الجمال
:ورد:

صح لسانڲ
ابدعت فے كتابۃ القصيدة
الحياة لا تاتے كما نريد وهذه اقدار الله
ولكن ناخذ العبرة والعظۃ من التجارب
ازاح الله همڰ وفرج كربڰ ويبدل الامڰ لســ ؏ ــادة ورآحۃ البال
اللــﮭــم آمين يارب