((يا سلسبيل الروح ويا متعة الضيف))
 

انا ادري انك يا هوى البال ..... مجروح
لكن ظروفي ما تجي لي على الكيف
ودي اشوفك واشرح الظرف ... وابوح
يمكن تقدر ظرفنا ........ وتترك الحيف
بس اسمحي لي نجتمع يا دواء الروح
يا سلسبيل الروح ويا متعة ... الضيف
ودي اشوف العين والخد ....... بوضوح
والشفة اللي شفتها من ورا الشيف
وناخذ ونعطي بالهوى وكل مسموح
ونلغي كلام الجد وبعض .... التكاليف
ونطلع على الريضان وتلول .. وسفوح
وناخذ لنا جولة على تلعة ........ الريف
في ديرة نلعب بها في حصى الدوح
ديرة خلا ما مرها من البشر .... .طيف
ونكتب هوانا بكفكم ما هو .... باللوح
واصبع كفوفي القلم يشرح ... الكيف

القارظ العنزي

ونكتب هوانا بكفكم ما هو .... باللوح

الله عليك شاعرنا :رحيق:
قصيدة جزلة احدى روائعك كما عودتنا
صح لسانك واعتلا شانك لا خلا ولا عدم يارب
يعطيك العافية لإتحافنا دائماً بروعة بوحك
الله يسعدك ويوفقك

لسموك كل شيء جميل :رحيق:

بل انت امبراطورة القاف فضلا عن البحر ، بل كل شيء ، لا تستطيع الكلمات ان توفيك حقك امبراطورة البحر . وأي بحر بل المحيط ، فليهنكم هذا اللقب الذي اخترتموه ، اسعدني مرورك أخيتي وتقريضك ربي يحفظك .

صح احساسك عاشق الذكريات طبت وطاب اختيارك لاهنت

يعطيك العافية احلام وكلك ذوق ومفهومية

صح لسانك شاعرنا ماشاء الله عليك

لا خلا و لاعدم

صح بدنك الواثق شرفني مرورك لاعدمناك