((يا واثق الخطوة))
 

يا واثق الخطوة ويا فارس . الخيل
سلم على الضاوي وبلغ ...... جمانة
بلغ جمانة كيف يا طلعة ... سهيل
غدر بي الضاوي بتالي ......... زمانه
وانا احسب انه لي عذب . الرجاجيل
اثر البلية دوم يرخي .......... ابطانه
تلعب به الدنيا بين ......... المواويل
وعقب العقل يا خوك زاد . اهذيانه
نوب مع المجمول دمعه ... هماليل
ونوب تلقى المقرود مهمل حصانه
اقفى وخلاني طريح بلا ......... حيل
في غربة ما شفت مثله ....... لعانة
يا واثق الخطوة يا مسندي ... حيل
وش حيلتك قلي ، حيثك ...... تكانة
يمكن يتوب وندمح الذنب .. والميل
ويمكن يزيد الذنب ونهدم ... كيانه

القارظ العنزي

وش حيلتك قلي حيثك تكانه

ارجو التعديل لم اجد الايقونة المختصة بالتعديل

تم التعديل بنجاح والحمد لله .

مشكور القارط العنزي
يسلم لسانك و يستاهل اخونا واثق

كل الكلام الزين

صح بدنك اخوي الغارس كلك ذوق لاهنت

الظاهر فيوز مخك ضرب وبالحيل
والعقل منك راح . . واعلن جنانه

خل الخبال عنك .. وخل التهاويل
اطلق سراح القلب . وافلت عنانه

لا تخفي الحقيقه وتتبع التظليل
أنا ادري بقلبك .. تعلق .. بعمانه

هديت حيلي .. ولا بقى بي حيل
خل الذي في القلب يقعد مكانه

تراني هجرت . . الشعر والمواويل
والقلب .. يا القارظ .. فاقد حنانه

يا واثق الخطوه يا سيد الرجاجيل
من زود حبه . . أنا حبيت . . جمانه

قلبي غدى من هوى الباحه عليل
حبها هز .. ضلوع قلبي .. واركانه

قولوا لها .. اني لها . خل وخليل
والله لارخص الغالي .. على شانه

صح الله لسانك شاعر مواويل
يالقارظ اللي بالجوى لك مكانه
واصل سلامك للنجم تالي الليل
تسلم على الكلمة و كلك رزانة
في مدحك انا صرت محظوظ بالحيل
لكن لي طلبه و عندي امانه
اعذر خويك دون من وتهاويل
للزله ادمح والهوى في جمانه
فيها نصوغ الشعر معه التعاليل
و كل واحد عنده مكانه وزمانه

صح لسانكم و سلمت ابدانكم

وافين و لاعليكم قصور

لا خلا و لاعدم

:رحيق:

ما شاء الله عليكم شعراء جمانة
محاورة العمالقة .. صح لسانكم واعتلا شأنكم
ابدعتم وابهرتونا بجمال وعذب القصيد
يعطيكم العافية ما قصرتوا لا خلا ولا عدم
الله يسعدكم

لسموكم كل شي جميل :rose:

خليتني مهبول بين ..... المهابيل
مثل الهبيل اللي هروجه .. رطانة
وانا احسبني فوق عندك وحلحيل
واثرك هبيل وفيك خبث .. ولعانة
لكن لعيون الذيب ذيب . الرجاجيل
اللي طلبني وقال لاجل .. الامانة
ابي ادمح الغلطة واقول يا حليل
أكيد ابو الضاوي طايح ....... بدانة
دانة خذت عقله وعقله .. تهاويل
دانة حبت للذيب واطلق . .السانه
ونسي رفيقه وزاد فيه . الغرابيل
باسباب حب الزين ما به ..... تكانه
ان كانها يا هيه سيد .. الغراميل
مثل الذي عندي يسكن ... اعمانه
ما لومك لو حطيت بي . بالبلابيل
وخليتني مجنون ويركض . حصانه