((يضيق صدري والقوافي تسليه))
 

يضيق صدري والقوافي ... تسليه
الياخاب ظني في رفيقي . وجاري
اشيل قافي ويتبع القاف ... تاليه
وان قالوا ليه الناس قلت اختياري
اخير من شوف الردي يوم . ندعيه
لا قاضي حاجة ولا به ...... حماري
واليابغى له حاجة قال : .... يا بيه
ما كني الا صرت بنك ..... .. تجاري
وجهه وسيع والحياء ما يجي فيه
وصدقانه اللي مثل جول . الحباري
يا عل ربي بالمخاليق ........ يخفيه
ولا يجي له بالمخاليق ....... طاري
يخفيه ويخفي من يوده .. ويغليه
ويخفي عفون في عفنها . تماري
يالله ياللي نلتجي له ...... ونرجيه
ياللي رزقت ووحوشها والضواري
ياللي كفلت ارزاق خلق .... تراعيه
وياللي خلقت سحابها .. والذواري
ارحم ضعيف دوم يطلب . وتعطيه
يا عالم بحاله وتدري ..... ... وداري
عبد تضعضع ضايع عيشته ..... تيه
وانت القريب برحمتك .... والمحاري
عوض ضعيف انخدع ..... بالمشاريه
قضى حياته يحسب انه ... قماري
لكنه دايم يحتسب في .. مماشيه
يرجي نوالك والعوض ... بالمساري
ياما سرا بالحق ثم قال ........ لبيه
وقضى لزوم لليتيم ...... . وجواري
واليوم غابت لابة دوم ....... تطريه
ما خاب منهم من بقى . بانتظاري
يوم اغتنى ضيع رفيقه . ومعطيه
ما يوم جاني وقلت دوك اعتذاري
اقضي لزومه قبل نفسي واداريه
وارخص له اللي عندنا من مصاري
كله اراعي خالق العبد ......... باريه
هو العوض وفيه كل .... انتصاري

القارظ العنزي

صح لسانك واعتلى شانك...لااهنت..

صح بدنك سلطان الزين لاهنت

انت الروعة أمي
فضيلة اشكر مرورك

القارظ العنزي
ماشاء الله عليك الله يحفظك من كل شر
قصيدة جزلة ورائعة جدا
بيض الله وجهك وسلمت
ولا حرمنا جديدك

~

تسلم روحك
رآنيا اشكرك