السنين تمر وحنا واقفين
 

السنين اتمر واحنا واقفين
واصعب النسيان في ماضِي لها

مارخصنا بس كنا كارهين
والنفوس تموت فينا غلها

كلنا غالين لاكن عارفين
بعدنا عن بعض كان أضمن لها

وقفتي كانت لجل شيء ثمين
وقفتً لله ثم رضا لها

من هقى فيني فأنا الشخص الامين
وكل هقوه منك انا كفو لها

بس ليه تبور فيني بعد حين
والمشاكل كان بيدك حلها

ليت وقت مر يسمع كلمتين
ويأخذ المضمون منها كلها

واحد ماهوب في الماقف يبين
بالعلوم وبالسلوم ودلها

جنبه وان شانت الدنيا تزين
شد عزمك للامام وتلها

كانك اطيب منه خاو الغانمين
وكل قمه معهم بتوصلها

رفقة ماهي على دنيا ودين
وش تبي بدقاقها وبجلها

ماتفيدك لو تطول ابها اسنين
شجرة ماهي تظلل ظلها

ومكسب الطالات من فعل اليمين
لاتحن النفس من عزاً لها

والمنافق فيك لو قلبه يلين
انتبه من رفقته وافطن لها

وحاجتك في عيون غيرك لاتبين
حطها في يدين ربك كلها

ولاتخلي خاطر حبك حزين
راع منهو لك دموعه هلها

خل وصلك يبري الجرح المتين
لين كل اعروق فيه اتبلها

خل غيثك فوقهم مزنه دفين
وخل الاعدا بك تموت بحلها

ما شاء الله عليك اخوي النايش :رحيق:
صح لسانك واعتلا شأنك .. قصيدة جميلة وأبيات رائعة
شاعر ولا هو غريب علينا روعة قافك .. مميز واكثر
يعطيك العافية وكلنا شوق لجديد بوحك
الله يسعدك ويحفظك

لسموك تقييمي وإعجابي و الختم و :رحيق:

ياسلام عليك شاعر الجزالة

لك مني أجمل أزهار الأرض

صحة ابدانكم جميع وشكرا اكمً ولمروركم الكريم والجميل

صح لسانك ملايين شاعرنا

ماشاء الله عليك مبدع

خل وصلك يبري الجرح المتين
لين كل اعروق فيه اتبلها

خل غيثك فوقهم مزنه دفين
وخل الاعدا بك تموت بحلها

ياسلام عليك
والله وحشنا جديدك
وغياب خير يارب العالمين
لك الفايف ستارز.

ماشاء الله الشعر بفائق الجمال
اسلمت يداك