منتديات جمانة فلسطين

منتديات جمانة فلسطين (Http://www.jomana.net/vb/index.php)
-   مقتطفات عآمة (Http://www.jomana.net/vb/forumdisplay.php?f=15)
-   -   الشاعر الكبير : محمد حمزه (Http://www.jomana.net/vb/showthread.php?t=21629)

واثـــ الخطوة ـــــق 03-26-2019 12:46 PM

الشاعر الكبير : محمد حمزه
 
محمد حمزة (20 يونيو 1940 [1] - 18 يونيو 2010[2])،

شاعر مصري.

عمل كصحفي وناقد في إصدارات روز اليوسف وصباح الخير وجريدة الوفد والأهرام الرياضي. وللشاعر الراحل ما يزيد عن 1200 أغنية، من بينها 37 للعندليب عبد الحليم حافظ، من أشهرها "مداح القمر" و"موعود"، و"سواح"، و"زي الهوى"، و"أي دمعة حزن لا"، كما كتب لأصاله نصري " سامحتك".

واثـــ الخطوة ـــــق 03-26-2019 12:47 PM

من قصائده

مداح القمر

عاشق ليالى الصبر مداح القمر

عشق العيون السمر غوانى السهر

لولا النهار فى جبينك لولا الورود فى خدودك

لولا الامان فى وجودك لا كنت هويت و لا حبيت

ولا حسيت بطعم الحب يا عمرى

قدك المياس يا عمرى ايقظ الاحساس فى صدرى

انت احلى الناس فى نظرى جل من سواك ياعمرى

يا شعر ليل ياليل ياليل وفارد ضفايرك على القمر

ياابو ضحكه حلوه منوره ليل السهر ياليل ياليل

ياللى حسنك خلى دقات القلوب بتقول اهات

يا ما قاللى اشعار كثيرة

وحكايات وليلاتى بيحكوا فى هواهم

وكلام على الرمش اللى رماهم

وليل يطول وياهم ويقرب لفرحه عمرى

عينى يا عينى ياعينى عينى عليك

كل القلوب بتدوب حواليك يا عينى

اما انا " وجدى انا " با شوفك بس بعيون غير عيون الناس

واحبك بكل ما فى القلب من احساس

اما انا وحدى انا باشوف الحزن متدارى

ورا الضحكه اللى فى عينك

وباسمع فى رنين صوتك شجن مالى لياليك

وياريت اللى كتير حبوكى كانوا يا خدوا عنيه يشوفوكى

كانوا بقلوبهم حبوكى زى ما حبيتك انا

موال موال عاشق بقيت موال

وقصتى بتنقال للناس والعاشقين

قالوا فى الموال .... قالوا على اللى صبر ونال

قالوا من بعد صبر سنين

قالوا دنا اللى قلبى خلاص ارتاح انا ..... انا

قالوا فى دنيا الافراح انا

ومشيت ياليل مشوار طويل

ولا قلت مره ده مستحيل

ومشيت على الشوق فرجعنى

لحد الحب ماطاوعنى مشيت

وبقيت انا والحلو حكايه

عمرها ما حتبقا لها نهايه

طول ماانتى يا حلوه معايا

حاتنوريلى ايام عمرى ..

واثـــ الخطوة ـــــق 03-26-2019 12:47 PM

حاول تفتكرني

انا اللى طول عمرى باصدق كلام الصبر فى المواويل
وانا اللى طول عمرى باقول الحب عمره طويل
من كنز ما كان الحب واخدنا وكل حلاوه الدنيا فى ايدينا
لا فكرنا زمان يعاندنا ولا ايام تقدر تبعدنا
وعشنا الحب بالايام وكل بكره فيه احلام
واتارى كل دا اوهام وسافر من غير وداع

فات فى قلبى جراحه

وبت فى ليل السهر والعيون ماارتاحوا

سافروا من غير وداع فاتوا قلبه وراحوا

دوبوه فى السهر والعذاب وارتاحوا

ومنين نجيب الصبر يا اهل الله يداوينا

واللى انكوى بالحب قبلينا يقول لينا

ياللى بعدنا زمان ومكان وقاسينا يا روحى سنين

قبل ماتيجى تنام فى امان فكر فيه دقيقتين

يا ما دبنا فى حلاوه ودوبنا ياما نار حرقت فى قلوبنا

دى ليالى عشناها ابدا مش ح انساها

على بالى يا حبيبى على بالى على بالى ايام وليالى على بالى

على بالى ليل ونهار وانت على بالى

حبيبى والله لسه حبيبى والله حببى .. مهما تقسى حبيبى والله

حبيبى ... عمرى ما انسى حبيبى والله

ابقى افتكرنى .... حاول تفتكرنى .. دى ليالى عشناها

لو فى طريق مشينا مره فيه

اوعديت بمكان .. كان لينا ذكرى فيه

ابقى افتكرنى .. حاول تفتكرنى ..دى ليالى عشناها

بعدنا ... بعدنا ليه ..تعبنا .. قول من ايه

م الشك ياعنيه - من كلمه قالوها عليه

م الغيره ياعنيه - دى الميزه يا ما عملت فيه

ابقى افتكرنى - حاول تفتكرنى - دى ليالى عشناها

م الليالى ..الليالى - من بعدك واللى جرالى

سهرنى الشوق - دوقنى الشوق - طعم الحرمان فى الليالى

ياما ايام ضاعت ياسلام - فى عذاب والام سهران ما ينام

قضيت الليل - مع قمر الليل - ونجوم الليل - نحكى فى كلام

ياما قلت عنك - وغلبت شكوى منك - وحاة الغالى عندك

ابقى افتكرنى - حاول تفتكرنى - دى ليالى عشناها

ابدا مش حا انساها - على بالى

تعالى - خلى الشمس مع ابتسامتنا - تطلع وتنور دنيتنا

تعالى - ليه نقول ان الفراق مكتوب علينا - والحياه قدامنا

ليه نسلم نفسنا لليأس - ونقول انظلمنا

تعالى - واللى بيننا ياحبيبى - فوق جراحنا - وفوق الامنا

واللى بينا يا حبيبى اقوى من قسوه زمانا

تعالى ... ياللى وانت بعيد معايا - نفسى يوم تسمع ندايا

وان ما قدرتيش تيجى - بعدت زمانى وتسلم

ابقى افتكرنى ... حاول تفتكرنى

واثـــ الخطوة ـــــق 03-26-2019 12:48 PM

سواح

سواح و ماشى فى البلاد سواح

و الخطوة بينى و بين حبيبى براح

مشوار بعيد و أنا فيه غريب

و الليل يقرب و النهار رواح

و إن لاقاكم حبيبي سلموا لى عليه

طمنونى الأسمرانى عامله إيه الغربة فيه

سواح و أنا ماشى ليالى سواح

و لا دارى بحالى .. سواح

م الفرقة يا غالى سواح

إيه اللى جرالى .. سواح

و سنين و أنا دايب شوق و حنين

عايز أعرف بس طريقه منين

لانا عارف أرتاح

و أنا تايه سواح

و إن لاقاكم حبيبي .. سلموا لي عليه

يا عيونى إيه جرالك

فين إنت و بتعمل إيه

يا ظنونى ما تسيبونى ..

مش ناقص أنا حيرة عليه

لا أنا عارف أرتاح و أنا تايه سواح

و سنين و أنا دايب شوق وحنين

عايز أعرف بس طريقه منين

و إن لاقاكم حبيبي .. سلموا لي عليه

يا قمر يا ناسينى رسينى عاللى غايب

نور لى ورينى سكة الحبايب

وصيتك وصيه يا شاهد على

تحكيله عاللى بى و اللى قاسيته فليالى

و سنين و أنا دايب شوق و حنين

عايز أعرف بس طريقه منين

و إن لاقاكم حبيبي ... سلمّوا لي عليه

واثـــ الخطوة ـــــق 03-26-2019 12:48 PM

أي دمعة حزن

اى دمعه حزن .....لا

اى جرح ف قلب ...لا

اى لحظة حيرة ....لا

حتى نار الغيره ....لا

عايشين سنين احلام دايبين فى احلى كلام

لا عرفنا لحظه ندم ولا خوف من الايام

وقلبى دق ..دق.. دق قلت مين ع البيان دق

قاللى افتح ده الزمان قلت له .. ياقلبى ؛ لا

جى ليه يازمان بعد ايه يازمان

من كام سنه قلبى وانا عايشين هنا من كام سنه

من كام سنه قلبى وانا بتضمنا من كام سنه

وقال ايه .. جى الزمان يداوينا من ايه ...جى يازمان تداوينا

والامل فى عنينا والفرح حوالينا

سأل الزمان .. وقال ايه غير الاحوال

قلنا له جينا وارتحنا ونسينا

والله جينا وارتحنا و نسينا

الجرح بتاع زمان

احنا اللى امنا الزمان احنا وخدمنا الامان وجرحنا

واحنا اللى طاوعناه ... احنا وعمره فى يوم ...ما ريحنا

ولاملامه علينا .. لا ملامه داحنا تعبنا ... وسهرنا ياما

واما نادينا عليه يداوينا عمره ما فكر فى يوم يجينه

وادينا عايشين وبقينا عايشين

لا جرح فى قلوب ولا دمع حزين

من يوم ما دق الحب بابنا والربيع ... نور شبابنا

وادينا عايشين وبقينا عايشين

وقال ايه ..جى الزمان يداوينا من ايه ...جى يازمان تداوينا

والامل فى عنينا والفرح حوالينا

سأل الزمان وقال ايه غير الاحوال

قلنا له جينا وارتحنا ونسينا

والله جينا وارتحنا ونسينا

الجرح بتاع زمان

فى ليله مش ناسيها سهران الفرح فيها

جانى الامانى ومعاه هديه فرحت بيها

حبيبى الاولانى سافرت كتير معاه

يأحلامى فى هواه

سقيته من حنانى وبنيت معاه امانى

وقلت ياريت يادنيا تدينى عمر تانى

وصحيت على العذاب لقيت الفرح غاب

والحب ياعينى داب اتارى الزمان كذاب

وقدرت يازمان فى رحله النسيان

انسى اللى كان وارتاح وابعد عن الاحزان

وادينا عايشين وبقينا عايشين

لا جرح فى قلوب ولادمع حزين

وقال ايه جى الزمان يداوينا من ايه ...جى يازمان تداوينا

والامل فى عنينا والفرح حوالينا

يسأل الزمان ...وقال ايه غير الاحوال

قلنا له جينا وارتحنا ونسينا

دا حنا جينا وارتحنا ونسينا

الحزن بتاع زمان

شوف الدنيا ياقلبى ...حلوه ازاى بالحب

عمرك شفت الفرحه غير فى عيون بتحب

عمرك شفت قمر سهران غير للعشاق

ولا نجمه جايبه كلام غير للعشاق

كل العاشقين زينا عايشين

لا جرح فى قلوب ولا دمع حزين

وقال ايه جى الزمان يداوينا من ايه .. جى يازمان تداوينا

دا الامل فى عنينا والفرح حوالينا

سأل الزمان وقال ايه غير الاحوال

قلنا له جينا وارتحنا و نسينا

دا احنا جينا وارتحنا ونسينا

الجرح بتاع زمان

واثـــ الخطوة ـــــق 03-26-2019 12:49 PM

نبتدي منين الحكاية

لو حكينا يا حبيبي نبتدى منين الحكاية

دحنا قصة حبنا ليها أكثر من بداية

عشنا فيها ياما عشنا شفنا فيها ياما شفنا

لكن مشينا و كملنا مشوار الحب و وصلنا و الدنيا

ما قدرت تعاندنا و تفرق بينا و تبعدنا

تعال تعال نقول لغيرنا أنا و انت ازاى قدرنا

نبعد عن أى عذاب و نعيش على طول أحباب

نحضن فرحتنا سوا و نخلى الحب شباب

و قابلنا انا و انت فى مشوارنا

حاجات كثيرة جرحت غيرنا

الغيرة و ظنونها و اللى بيجرى منها

فى يوم ما قربت منها بعدنا حبنا عنا

و قابلنا الحاسدين و شافونا

و لا هانش عليهم يفوتونا

و قالوا علينا ياما قالوا

و هوانا و لا تغير حاله

و تسافر أسافر و أيام يطول السفر

و قلوبنا بتتقابل مع كل طلعة قمر

تعال .. تعال نقول لغيرنا

أنا و انت ازاى قدرنا

نبعد عن أى عذاب و نعيش على طول أحباب

نحضن فرحتنا سوا و نخلى الحب شباب

و فـ لحظة وقفنا و ابتدا خوفنا

و لقينا حوالينا الدنيا ضباب و ليل و قلب جريح

زى أوراق الشجر وقت الخريف رماها الريح

سألنا روحنا ليه أكثر من حبنا إيه

لكن ما طالش الخوف بينا

و عرفنا .. و شفنا .. و حسينا

انت شايف الحب كله

عيون و همس ، لكن انا شايف

واثـــ الخطوة ـــــق 03-26-2019 12:49 PM

سامحتك

سامحتك سامحتك
سامحتك كتير
سامحتك سامحتك
بقلبي الكبير

ومش غصب عني ولا ضعف مني
ولكن لاني بحب بضمير
سامحتك سامحتك سامحتك سامحتك
سامحتك كتير كتير

سامحتك عشان
في قلبي مكان
لحبك زمان
زمان اللي كان

قلبك حبه يدفيني
قربك مني يكفيني
قلبك حبه يدفيني
قربك مني يكفيني

قبل الخطوة ما تبعد بنا
قبل الحيرة ما تيجي تزرنا
قبل الخطوة ما تبعد بنا
قبل الحيرة ما تيجي تزرنا

كنت بسامحك ايوة بسامحك
كنت بداري كتير على جرحك
كنت بسامحك ايوة بسامحك
كنت بداري كتير على جرحك

سمحتك كتير وبحزرك
لو الزمان كان غيرك
سمحتك كتير وبحزرك
لو الزمان كان غيرك

حبعد عنك و اسيبك
وانسى اني كنت حبيبك
حبعد عنك و اسيبك
وانسى اني كنت حبيبك

سمحتك كتير وبحذرك
لو الزمان كان غيرك
سمحتك كتير وبحذرك
لو الزمان كان غيرك

مش حتحمل ظلمك تاني تاني تاني
مش راح احبك وانت اناني تاني تاني


مش راح اقول معلش واسامحك
قلبي الطيب ياما وراني مش راح اقول
مش راح اقول معلش واسامحك
قلبي الطيب ياما وراني مش راح اقول

سامحتك سامحتك
سامحتك كتير
سامحتك سامحتك
بقلبي الكبير

ومش غصب عني ولا ضعف مني
ولكن لاني بحب بضمير
سامحتك سامحتك سامحتك سامحتك
سامحتك كتير كتير

واثـــ الخطوة ـــــق 03-26-2019 12:52 PM


أؤمر يا قمر


أؤمر يا قمر أمرك ماشي
لو حتى عيوني ما تغلاشِ

لا انا ليّا أعز منك
ولا عندي أغلى منك
لولا أنت الدنيا ما تحلاشِ
أؤمر يا قمر

من رقة قلبك من حســنك
الغـالي يا روحي بيرخصلك
من يوم ما عرفتـك وقابلتـك
ولساني ما يعرف غير إسمك
وإن خاصمك قلبي أنا ما رضاشِ
أؤمر يا قمر أمرك ماشي
أؤمر ياقمر

طول ما انت تكون راضي عليا
الدنيا كمان تضحك ليّا
ده جمال الدنيـا وبهجتهـا
بتزيد وياك حتى شوية
وإن خاصمك قلبي أنا مارضاشِ
أؤمر يا قمر أمرك ماشي
لولا أنت الدنيا ما تحلاشِ
أؤمر يا قمر

الغارس 03-26-2019 02:18 PM

شاعر كبير و معروف

شكرا واثق الخطوة


الساعة الآن 07:11 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas
User Alert System provided by Advanced User Tagging v3.1.0 (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.