.. جديدي .. رساله الى الشاعر ..واثق الخطوه ..
 

‏علمت جزل الشعر . والنظم يافلان
ومن فضل ربي .. بالمعاني اعتلينا

شعري نثرته واوصفه أنغام والحان
للي لجل حبه . . شربنا . . وظمينا

اكتب قصيدي واجزله لداعج الاعيان
اللي شايف ن نفسه . . وحاله علينا

ابسألك .. يا واثق . . دامنا .. اخوان
عن اللي في حبه . انجرحنا وانكوينا

وكيف للانسان . . يجرح له .. إنسان
يا ليت .. في حبه .. ما كنا .. سعينا

وش حيلتي .. بالله .. يا ذيب سرحان
صد .. الحبيب .. وبالصبر .. ما قوينا

اظن .. شفت القصد .. في قافنا بان
هذا . . جزانا . . يوم . . حنا .. وفينا


بقلمي .. نجم ضاوي ...

... حصريه من .. نجم ضاوي .. لمنتديات .. جمانه ..

مشكور اخوي الفاضل نجم ضاوي

والف تكريم لكم على الشعر المجيد

من نتاج قلمكم

الله الله عليك وعلى هذا الجمال
ابيات رائعة من شاعر متمكن
صح لسانك شاعرنا واعتلا شأنك
ولا حرمنا هذاالجمال والابداع
:ورد:

اعجبتني القصيدة

الله على نظمك يا عذب الالحان
الله على شعرك بفنه روينا
يانجم ضاوي على كل الاكوان
والله ترى افضالك كثيره علينا
قول و فعل يا نجمنا طول الازمان
تسلم عيونك والقلم و اليمينا
صد الحبيب بدهرنا ظلم عدوان
والحب بلوه في طريقه مشينا
شوري عليك اليوم خل الاحزان
و نسجّ في بر او يالله سرينا
صفر الدلال اللي لها الطيب عنوان
و شبة الضوّ الونيس و دفينا


صح لسانك و لا خلا و لاعدم ابداع يا بو ضاوي

فالك البيرق لاعدمتك

مشاء الله شاعرنا المتميز



سلم يمينك على هذا الأبداع

شورك صويب . وواضح لكل للاعيان
وحنا على شورك .. سعدنا ومشينا

خلاص طوينا ماضي ن صفحة احزان
يا واثق . على النسيان والله نوينا

يالعن ابو اللي مايعتزي فيك يافلان
عسى يموت . . يحترق . . من حنينا

شهم ن كريم ن وانت لطيب عنوان
مهما نسوي .. لمثلكم .. ما وفينا


تسلم اخوي ... واثق الخطوه ...
رد يشرح الصد والخاطر ...

صح اللسان ويسلم نبض القلب والبنان ...

لا خلا ولا عدم ...

الله الله عليك شاعرنا
قصيدة جزلة لله درك
شاعر متمكن ولقصائدك رونق خاص متفرد فيه
رائع حد الابداع .. صح لسانك مليون ولا يسدن
الله يسعدك لا تحرمنا جمال بوحك ..

لسموك تقييمي وإعجابي و الختم و:رحيق: و يضاف للتنبيهات