جتني بخبرها تشرح الوضع بدموع
كم دمعة بالعين تشرح ...... خبرها
الغصة اللي كلها بصوتها ..... لوع
يا حسرة الملتاع شاللي.. ... جبرها
والغبنة اللي شفتها تكسر الكوع
وشلون يرسي كوعها من قهرها
يا روح روحي انتظر مدة ..... سبوع
عسى الفرج يالترف ياتي .. باثرها
والله معك والقلب طاير . ومفزوع
وروحي معك يا شوقها يا قمرها
ويلاه وويلاه يا زينة ........... طبوع
راحت ضحية للجهل هو ...... قدرها
رمت بها الاقدار في فاشل . النوع
اللي فشل في عيشته ثم غدرها
يا رب ياللي تدفع الضنك .. والجوع
يا رازق اللي عيشته في .... بحرها
تسمع دعاها والدعا دوم مسموع
عند المليك وعالم في ....... ضررها
تفرج هموم الغالية دمعها انقوع
يا رب يالمعبود ترفع .......... كدرها

القارظ العنزي

اكاليل الورد ,امي فضيلة معجبون بهذا