حبه بقلبي مشيدٍ له مداين

زلازل ظروفي ما هزّت مبانيه

يقسى علي الوقت وآقول لاين

مادام لي روحٍ فحبي أبرجيه

لو هان بعيونٍ فلا هو بهاين

يكبر بعيني كل يومٍ وأراعيه

ماين علي وعلى هالقلب ماين

عقلي يجيبه لي بكلمة يوديه

عذاب قلبي للملا صار باين

آذوق مرّه وآتوسل له آبيه

ما دام ما حبه بهالكون كاين

ولا أغلاه شخص ٍ كثر مابقلبي أغليه

يحق لي أطالبه مثل داين

يحق لو طالبت كل الملا فيه

أدري يبيني وأدري للود صاين

لو أشك في وده والله ما أبغيه

أنا وشعري كلنا له رهاين

شوفوا قصيدي يوم لي حل طاريه

لـ*الشاعرة اسيرة الصمت

إمبراطورة البحر معجب بهذا