منتديات جمانة فلسطين - عرض مشاركة واحدة

اوسمتي · 10-31-2017, 03:58 AM

قصيدة جواب مقنع
الله خلق عبده عشان العبــــادة
ماهو عشان مفاخر العرق بالعرق
صح ان فالدنيا عبيد وســـــــــــادة
لكن عند الله مابينهم فــــــرق
خلك بسيط الكبر ماهو بعادة
لا تسرقك دنياك عن خلقتك سرق
خلك صبــــــور وخل عنـــــدك ارادة
ولا صرت راعي ضو فأصبر على الحرق
لولا الصبر والمعرفــــــــة و الركـــــادة
ما تجرح العشاق ترنيمت الورق
واذ بتسيد فالمراجل سيــــــــادة
خل المراجل باب وسيادتك طرق
خلك ذكي واخذ الأمـــــور بهوادة
ولا صدت وثب لاتجي صيدتك زرق
واليا عشقت اعشق من الحور غادة
حورية (ن) في بحرها يحي الغرق
ان زعلت زانت بعينك زيـــــــــــادة
وان ضحكت كنها تنافس مع البرق
واذا أدور فالحياة السعــــــــادة
اسجد لربك سيد الغرب والشرق
قصيدة ماعاد انا مشتاق
ما عاد انا مشتاق ولا انت مشتـاق
انا رقدت البارحه وانت ما امسيـت
هذا انت دايم تقلب الصحبه اخنـاق
ودايم اتغلـى ولا انـا مـــــا تغليـت
صح انك الي لـذة اوصالــــــه فـراق
وصح انك اللي كل ما رحت ما جيت
لكني احبك ومن كثـر مـا انسـاك اشوفك
بصوتك اللي اقبلت واقفيـت
بدق ولا انا تـرى مـا انيـب داق
انا لو انـي الـي مزعلـك دقيـت
تعوذ من ابليـس وتزيـن الاخـلاق
وتلفن وحاذر لا تلفـن مـن البيـت
شغل جهازك واشحنه بعد الاغـلاق
ودق الجهاز ويعمـل كلـوز لليـت
خل اتصالك يقول مشتـاق مشتـاق
والذبذبـات اتقـول مليـت مليـت
قصيدة انكسرت
انكسرت من الفراق وشوف عيني
شوف عيني وأنت تدري بانكساري
كلما مديت لوصــــــــالك يميني
رحت تتجاهل يميني مع يســـاري
حتى صرت أشوف جرحك في يديني
في يدين الجور صداتك مـــــواري
حس فيها لابلاها حس فينـــــي
لا تعبرها لكن رد اعتبــــــــاري
وأنا مقفى جعل منت منتويني
بالجفا والخوف وأنواع العزاري
ياهلي يانصف ربعي ياخديني
يامــــــواني غربتــــــي ياروح داري
يا شموخي يا انكشافي يا دفيني
يا علوي يا بقائي يا انحداري
يا بداياتي يا مائي يا كسجيني
يا اندثاري يا اعتدالي يا ازدهاري
يا بلادة حسي وقمـــــــــة حنيني
يا اختياري لا يا عشواء اختياري
أعشقك من عادني فول سنيني
لين صرت آخذ مع نفسي قراري
من عرفتك وأنت ثالث والديني
واللجوء إليك يعني لي فراري
ضمني خل الضرر بينك وبيني
الضرر من ضمتك شيء اضطراري
خل يدينك من الجور اتحميني
من جمود يعيش و الين انصهاري
كل ما ضاقت بعيني يا موعيني
ابتسمت وصار لي ليلي نهاري
فلا سكت تروح بطيش اتحكيني

رجعي أبطبعك وبأسلوبك حضاري
ماذبحني فيك ألا انك تبيني
وما سحرني ألا حكاك الأستعاري
لا حكيت أحس بأشياء تعتريني
وان خشع قلبي وتطري لي طوراي
أعشق حكيك وحفظه يا ضنيني
حفظ بن تيميه لحكي البخـــــــاري
ولا سكت أحط يدي في جبيني
وارجي الله ما يطول بانتظـــــاري
أدري أني عندك وأسألك ويني
داريا لكن ما كني بـــــدراي
لين شيطاني تلفظ كلمتيني
ورحت مني ما تبي سمع اعتذاري
لا تبكيني وتــــــفرح عاذليني
ولا تخسرني بعد كبر انتصاري
لا تخليني بعد فيضة كنيني
وأنت خابرني على الوصل انتحاري
لا تروح بروحتـــــــك كلن يجيني
ما ني مكـــــابر ولا حتى مداري
انكسرت من الفراق وشوف عيني
شوف عيني وأنت تدري بانكساري
قصيدة مها

اخر حركات التدلع والغنا
اللي اسمها(مها)وفي الدلع(مهاو)
فرفوره تسلف الشمس السنا
مغويه ويطرد وراها كل غاو
ان وقفت كل شي ماتباعد دنا
وكل شي متلخبط مع الوقفه تساو
واليا مشت؟قال النمل:الله لنا
تقاو ياجوعي على صبري تقاو
ذروة ترف .. ذروه غنج .. ذروه هنا
جمالها مايستوعب وماينتقاو
في جنبها:نوره,وعبير,ومنى

شباب وعند البل وكشختهم فراو
مخلوق لامنه انثنى يعني انثنى
كل الزوايا تستقيم اليا تزاو
يابوي شي لايوصف ولا ينجنا
يسبب لك جروح لايمكن تداو
مثال:لاجاعت وطال بها العنا
كل الحلاو اللي على هالارض جاو
هي جايعه؟؟!يارب تاكلني انا!!
هذي سواليف الحلاو .. .مع الحلاو
واليا كلت اطرف حلاوه من هنا
كل الحلاو يشوفها ويقول((وااو))!!!
قصيدة وريدي
ياللي غرامك جاري في وريدي
لا وش غرامك جاري في وريدي
استغفر الله لو بقول ان غرامك
ماباقي الا يطبع اسمك على ايدي
لانك بصدري وانت منته بصدري
نطلع مع انفاسي وترجع ياسيدي
اليا طلعت احس كني اشوفك
وانقص انفاسي ذكا يا ضديدي
اخاف لا تطلع ولا عاد ترجع
واشفق على شوفتك واقول زيدي
فهل علمت عن جنوني يآنف
اني لمجنون النشاز المجيدي
لبيك يا سلكا حملت الفضائل
او عز لصاحبك بتحرير قيدي
يعني بحكينا لبا والله عروقك
متى تعيد في عيوني يا عيدي
ثقفني بوصلك مثل ما اتثقف
شعار جيلي من ثقافة قصيدي
لو ضلع عيني حس موطى وصالك
ما طاح لا حيده ولا طاح حيدي
تخيل اني من كثر ما اتخيل اتخيلك
تدعي واحسب انك ميدي
يا خي ترى جننتني بالمفارق
جننتني وانا بعقلي يا جيدي
لكن مع الله كل بلوى بخيره
انا ذكاي من التجارب رصيدي
اذكرني اليا من سمعت بغرابه
اليا سرى فعروق مخك جديدي
وانا بعد لامن ذكرتك يا غالي
بسجد لوجه الله وبقبل ايدي
قصيدة حبيبتي تحفة
حبيبتي تحفه من النوع الفريد
لجيت بمدحها اخاف اذمها
لان المديح بها ينقص ما يزيد
ولانها خيال وطايش وما همها
متمرده وبعقل هارون الرشيد
وفي الزين ما عذرى توقف يمها
لو قستها مثلا على الجيل الجديد
تحط حليمه بولند في كمها
من غيها السادات سواد العبيد
تحر وتبرك عند ركبة عمها
ومن غيها لامن تفنت كل حيد
وده يصير انسان لاجل يلمها
ومن غيها حتى الدهن عود العتيد
يسيل في يدها عشان يشمها
ومن غيها لا من خذت نفس جديد
تهاوشت الانفاس على فمها
لبيها ام الفكر ام القصيد
لبيها من ضحكها لا غمها
اللي بقوله الله جعله الحظ السعيد
والله يخليها لابوها وامها

أطياف الفرح ,إمبراطورة البحر ,طلووو والكل يحبووو ,لهفة الخاطر ,رهوووفه ,عاشق الذكريات معجبون بهذا