04-08-2019, 11:27 PM
|
|
|
وافي وحساس l سالم العوني
بسم الله الرحمن الرحيم
وافي وحساس l سالم العوني
 
لا تسولف بحزنك ترا الاحساس
احيان كتمانه هو افضل حل
عادي واذا في يوم صابك ياس
ما كل ايامك براد وظل
لا تاخذك ضيقه ولا وسواس
حتى اللي دايم يسندك بيمل
قبلك جفو قلبي وانا مو حاس
وتبدل الحب الكبير بغل
الناس لو هي دايمه للناس
ما صرت وحدي لا حبيب وخل
مثل الورق لا دفه النسناس
تاخذني ظنوني وانا ما ادل
كذا عشاني وافي وحساس
من خلف هقوات القلوب اتزل
لكن عوافي ما يهم لا باس
ما بعد كثر الحاجه الا القل
عن كل طاري احبس الانفاس
محدً لقى الراحه بكلمه ذل
وطرد الاماني قل عقل وباس
كم ضاع عمر ب يا عسى او عل
لا تترك احلامك بدون قياس
ان كثرت الاحلام اخذ وخل
مما راق لي
|