11-14-2018, 02:04 PM
|
|
|
أهل القلوب الطيبة - مبارك الحجيلان
بسم الله الرحمن الرحيم
أهل القلوب الطيبة - مبارك الحجيلان
رزقك على رب البشر والله يفعل ما يريد
واصبر لامالت دنيتك لين اتعدل ميلاتها
محدٍ يجيه اللي يبي وارضى بقسمك لاتزيد
وماكل نفسٍ هالزمن يجي على مشهاتها
شفت اللي دايم مبتسم لاتحسبه دايم سعيد
يمكن بصدره حاجةٍ ماتنوصف مأساتها
عيش الحياه بحلوها وبمرها وش تستفيد
لاضاعت سنينك ندم ولا اغتنمت اوقاتها
وعن كل شيٍ يزعجك ويضايقك خلك بعيد
قلبك وتعرف ضيقته وعيونك ونظراتها
وعشان تكسب راحتك يحتاج لك قلبٍ حديد
الناس ماهي تجرحك بافعالها كلماتها
لايتعبك هرج القفا ولاتناظر للبليد
واحسب حساب إنك غلط لو بتحسب غلطاتها
بعض النفوس انحبها وغيابها قطعة وريد
وبعض النفوس إن قاطعت ماودك بجياتها
وبه ناس غالي دمعها وتسيّله على الفقيد
وبه ناس حتى فالعزا تزعجْك في ضحكاتها
وقلوب تشبه للمطر وقلوب تشبه للجليد
وقلوب هي بنفسها ماهي بتعرف ذاتها
العيب ماهو فالزمن فالناس خذ علمٍ أكيد
وإلا الليالي من عمر معروفةٍ دوراتها
انا انصحك لكن بقى سؤال وفقلبي وحيد
وإذا أحزنك فأنت الوفي واللي انخذل معناتها
ليه أكثر انواع البشر اللي بهم حزنٍ شديد
أهل القلوب الطيبة واللي على نياتها
مما راق لي
 
|