جيتك وصية روح صعب المنالِ
اسمع وصاتي و العمر يوم محسوب
يا صاح لا تجزع لهمّ الليالي
الرب واحد و القدر صار مكتوب
دنيتك هذي لا تغرّك تسالي
اعمل لدار الآخرة فرصتك توب
اغنم زمانك صلّ و ارقى العلالي
حذراك من حالٍ تبدّل و مقلوب
جنّب عَنِكْ يا صاح قيلٍ وقالِ
ميز طريقك بين ممنوع مرغوب
الله عطاك العقْل مابه مجالِ
إما تصيب دروب أو تخطي دروب
خاوي بحياتك دوم نعم الرجالِ
قلبٍ له الطيّب على طول مجلوب
واخر كلام ابغى جواب لْسؤالي
وش فايدة دنيا لها القلب مسلوب

بقلم : واثق الخطوة

خلود العتيبي ,طيف الأمل ,amrlion ,عاشق الذكريات ,أحلام منسية ,انثى مختلفة ,سلطان زمانه ,إمبراطورة البحر ,الغيم معجبون بهذا