منتديات جمانة فلسطين - عرض مشاركة واحدة - ديوان الامير الشاعر سعود عبد الله بن محمدال سعود

اوسمتي · 04-09-2018, 03:59 AM

قصيدة لو ما نسيتك
لو ما نسيتك بعتذر لك تأخرت
اني نسيت أنساك في زحمة الناس
لا ما جرحتك و اعترف ما تعذرت
و لا ما انكسرت و جيت

لك طالب احساس
لا ما أنحنى راسي و لا تكبرت
انا العليل و خافقي يرفع الراس
صبرت لك يا ليتني ما تصبرت
هذي جروحك عدها كان تنقاس
لو صرت قلبي فانت لولاي ما صرت
و لو صرت زهر فالهوى الف نسناس
طال الحديث اللي به اسرفت و كثرت
ملت مسامع خافقي كثر الانفاس
أسهرت قلبي لك و يا ليتك اسهرت
قلبك معي لو في رجا قول لا بأس
لو ما نسيتك بعتذر لك تأخرت
اني نسيت انساك في زحمة الناس
...................
قصيدة ليه اخاف
ليه اخاف
ياللي علمت قلبي ما يخاف
الا منك
لين صارت هالسوالف
مره عنك .. و مره منك
و أنت بس اللي حبيبي
إيه اغار .. يكذب العاشق اللي ما يغار
لين مرت هالثواني
و ذاب فيني الانتظار
وانت ابد ما جيتني .. و لا لك وديتني
وانت عشاقك كثار
إيه أغار
لا تقول إلا متى
تنسى هالناس و تجيني
ادفني بكفي شتا
و قول يا قلبي و عيني
ياللي انت تحبني .. في عيونك ودني
ياللي ما اخاف الا منك
لين صارت هالسوالف
مره منك .. و مره عنك
و انت بس اللي حبيبي
............................
قصيدة البارحه
البارحه كانوا كثير
كان الحكي شوق و غرام
أحد حكى عني بخير
واحد ظلمني بالكلام
أنا حبيبك للأخير
لا تنزعج منهم حرام
يلي على جناحك أطير
للحب و قلوب السلام
تحبني بس لا تغير
النور يجرحه الظلام
لك عاشق قلبه كبير
و في داخل عيونه تنام
......................
لو كنت
لو كنت أنا الماء بكفك كيف تشربني
الماء يسيل وتصير الكف عطشانه
ارتاح يكفي عتابك لا تعاتبني
بعض الحكي ما يفيد القلب واشجانه
اتعبتك ادري ولكن طيبك اتعبني
وكل المعاذير لجل ارضاك سهرانه
ما شفتني يوم نام البرد في جفني
والشوق صاحي وعين الليل نعسانه
أنا كذا صاحبي لو كان تسمعني
مثل الورق لو يغيب آخره لغصانه
لو كل ليل نساه الحب يتعبني
ما كان نامت عيون الوصل حيرانه
.................
ما دريت
ما دريت و لكن البارح دريت
انها الفرقا حزينه يوم راح
طاح من عيني حديث و لا حكيت
كنت أضمه بين جفني بس طاح
باح من عين الحزن يوم انتهيت
و المولع لا تلومه لين باح
كنت أدور في ذنوب و لا لقيت
وكنت ادور لك معاذير و سماح
لو تعلمني متى هجرك نويت
كان اعرف ان الهوى ما به مزاح
آسف و لكن مع الذكرى سريت
من بداية هالغلا لين الجراح
ودي أعرف كيف في لحظه قويت
تاخذ من الروح كلمة ارتياح
لو نسيت انك بليله لي شكيت
و اني اللي شلت دمعك يوم ساح
و كنت احاول اسعدك لين ارتويت
و لين بعد الدمع فجر الثغر لاح
و لو ذكرت شوي في قلبك قريت
كان قلبي لك عن جراحك جناح
و انك اول و انك آخر كل بيت
و أنت ليلي و أنت في ليلي الصباح
سال من سحب الظما هجر و ظميت
و من غصونك يالشجر خافت رياح
لو نسيت فصدق اني ما نسيت
انك اللي خان وافي و استراح

شامخ بطبعي ,عشقك خفوقي ,انثى مختلفة ,واثـــ الخطوة ـــــق معجبون بهذا