منتديات جمانة فلسطين - عرض مشاركة واحدة - ديوان الامير الشاعر سعود عبد الله بن محمدال سعود

اوسمتي · 04-09-2018, 04:16 AM

ديوان خاتم الشعر والمارد
قصيدة لاتحسف
لا تحسف أقبل الملح واقفى سكره

هي ثلاث اعمار وادوار في عمر الحطب

......
يا أخي ابهامك تعب ويش ذنبه تكسره

في جبين من الحسايف فـ .. غفلات العرب

......
ما كتب لك بين الأقدار لازم تبصره

وما منع ما والله يصير لك أو ينكتب

.....
خذ من الذكرى جناح السعادة واشكره

كم كفخ بك بين الأحلام لو كانت كذب

.....
وهزني بسم الفرج بين موجه وبحره

ول يا سود الليالي على كرسي الغضب

....
يوم كان النور شباك قبل تسكره

كان صوتك هو خرير السواقي في العتب

.....
هو حبيب راح ولّا حبيبه انكره

ما قوى يقضبه في عين محبوبه هدب

....
والوفا لا صار يحييه يوم وينحره

لا يهمك صيف قلبه ولو كله رطب

....
لا تدس السم للطفل يوم فسكره

وتنصحه لا ياكله وانت معطيه السبب
...............
قصيدة قالوا لي عنك

من هو بيبدأ بالوداع بعاف ولاّ عفتني

ياللي أبهديك الخيار وارجوك تهديني عذر

.....

يكفيني أشوفك بهم بعيونهم لا تزرني

بشفاههم وانت الحديث وانت الجمال اللي ندر

.....

قالوا لي عنك البارحه غلطت مرّة قلتني

قالوا لي إنك من خجلك السالفه راحت هدر

.....

مرّيتك البارح سهر ما ادري حبيبي شفتني

مرّيت بلسانك سكنت ما بين نونين وصدر

.....

أخاف تاخذك الدموع إذا حبيبي لمتني

واحط كفي لا تطيح واغضب على دمع حدر

....

أقول بنساك وعبرت مدري قدرت وخذتني

واصدّ عن كل النجوم واقول ما شفتوا بدر

....

هذا الحديث اللي تبي أدري بحبك نلتني

بس البدايات بقدر حتى النهايات بقدر

.....

منهو بيبدا بالوداع بعاف ولاّ عفتني

ياللّي أبهديك الخيار وارجوك تهديني عذر
...................
قصيدة ما لليالي طعم

ما لليالي طعم و الكحل معنا

يا كحلها يا احلى الليالي و الاسرار

....
غابت و ليت الشوق لحظه نفعنا

و الليل غاب و غاب فالقلب زوار

....
سال الحزن لين انتبه له وجعنا

الله واثر الجرح فالحب جبار

....
انا و حبك و الجروح اجتمعنا

نسأل طيوفك علها جابت اخبار

....
عنك نبي نرضى مشاعر ولعنا

اللي تبيع لعينك اقلوب و اعمار

....
كتا نتعاتب بس محدٍ سمعنا

انا و كل اللي تعرفه و الاعذار

...
وشلون تذكر و انت ما كنت معنا

يوم الليالي تنتظر منك مشوار

...
رحنا من البارح و لا له رجعنا

و جينا نعرف ان الزمن حيل غدار
...............
قصيدة تعلمت

تعلمت منك الليالي تجافي

ليه الليالي خذت مني قمرها

....
صحيت جرحٍ كان لرضاك غافي

و العين تحني جفنها من سهرها

....
لا غاب ليلك و اكثر الحزن خافي

بسألك عيني للبكا من ومرها

....
يطول ليل البرد ما صار دافي

ليلٍ همومه في ضلوعي نثرها

....
ذقت الجفا منه و لا قال كافي

ليل يذوق هالمشاعر كدرها

....
حبيب عمري ليه ما صرت وافي

و انت المحبة و السنين و قدرها

....
يا ليت تذكر ليلة كنت لافي

و قدمت لك عين السنين و بصرها

....
خليت لك كل الليالي خلافي

خذ ما تبي منها و عاتب سفرها
................
قصيدة سالفة ليل

أشيل همي لين يشرق نهاري

و لا تبين صوّت الهم لـ .. الليل

....
بالله يا باقي دروب المساري

أنا جروح و خطوة ما بها حيل

....
تعقب المسرى هبوب و ذاري

ما باقي الا جرح و شتات قنديل

....
يا قسوة الغربة على الجرح داري

تعللي و الجرح كله تعاليل

.....
و اسري مع نجمات عذب الطواري

و اروي الدروب و ربعي بالمماحيل

....
و يبدل الله همي اللي مباري

بالخير و يصير العنا سالفة ليل
............
قصيدة جف المطر

جف المطر يا سحاب الوصل به و اقفا

و عروق قلبي عليه من الأمل جفت

....
ما اختار هالديم غير القاع له ملفا

واهو السحايب على شانه له اصطفت

....
من كثر حبه غدا كل الحكي تكفا

يوم ان عين الوصل بموادعه رفت

....
يا ليت مذبوح بعد الحب ذا يشفا

أو نفسه اللي تتوق لصاحبه عفت

....
مير البلا ليت عين الهجر ذي تغفا

أو ليتها يوم قفا البعد له قفت

....
و قلبٍ ذبحته جفا ما كنه الاوفا

حط الخطا فالظنون و قال ما وفت

....
يالبرد ما اشتقت لو لحظة بها تدفا

و لا اشغلتك النجوم اللي بك انزفت

....
ودعتك الله بقول الحب ما كفا

و مشاعر الحب لجل ارضاك ما كفت

...............

شامخ بطبعي ,انثى مختلفة ,واثـــ الخطوة ـــــق معجبون بهذا