أشهد إنك قمر وإن القمر منك مغبـون
ينكسف في حضورك لين يعرق جبينـه
وأنتِ البسمه اللي تسرق القلب بالهـون
كل من يعرفك تصبح حياتـه رهينـه
وأنتِ الشمعه اللي نورت كل هالكون
بس قلبٌ يضمك مسرعـك تحرقينـه!!
ما هقيت إن عيني يجيلها يـوم وتخـون
كيف تأخذ يسار الشيء وتتـرك يمينـه
وكيف ولفٍ نشأ ما بيننا عندك يهـون
وين راح الوفاء والحـب يـا مدعينـه
أدري أن الفراق بعالم الحـب مسنـون
لكن أمـا الخيانـه والله إنْهـا غبينـه
كل من خان عهد الحب ملعون ملعـون



شوّه أجمل مشاعـر شـوّه الله عينـه
يوم ضمك فؤادي كان به حزن وطعون
ثم جيتـي وقمتـي بالخفـاء تطعنينـه
حسبي الله عليك إعداد ما أمسيت محزون
وإعداد دموعي اللي أرخصتها وهي ثمينه
أما قلبي فعاش على الوفاء دايم حنـون
ما بيطلع منه لك غيـر ونّـة حزينـه