أسرار القصيد
تسأليني عن أسرار القصيد
ما دريتي عن القلب العليل
اسأليني شقي ولّا سعيد
واسأليني عن انجوم وليل
واسأليني عن الجرح الجديد
اسأليني عن الحلم الجميل
شفتي الدمع فعيوني فقيد
ما بعد جفت اجراحه تسيل
اسمعي ضحكتي راسي عنيد
لا تضنين ما شفته قليل
كل فرحه لها عندي ضديد
اتركيني ترى صبري طويل
.............................
قصيدة لا تكون البحر
لا تكون البحر
وتفكر تخون بصاحبك
لا سرج مهر النهار الصبح
في جنح العتيم
لدلي ما لدلي غير الكلام بحاجبك
السحاب الأسود الداكن اللي من سديم
صاحبي كيف اشتكي لك منك ولا اعاتبك
وكيف اروحك وارجعك
وارحلك وارجع واقيم
ودي اسال هو صحيح
اللي حصل لي عاجبك
لين صار من الحزن
دخان في عيني وديم
ليه مدري كيف ولا هالمتني قد زار بك
اسأله ما تنتهي وحكاية الحب القديم
قبل ما تصير البحر ويصير قلبي غايبك
شوف وش بعد الشبه بين نادم أو نديم
.......................
قصيدة محمد الدرة
كتبت هذه القصيدة بعد استشهاد
الطفل محمد الدرة في فلسطين
برصاص العدو الغاشم
محمد الدره من ما يعرف ها الإسم
كان في عمر الزهور كان في عمر صغير
وكان في جسمه صغيروكان في المواقف كبير
واجه افواه المدافع شايل كل المواجع
كلمة التوحيد وإيمانه في سلاحه
أمس زفوه في عرس الشهاده هالشهيد
ودعوه وواعدوه .. بجنة الخلد مع عمر
وابن الوليدسال له مليار دمعه
ودعه مليار مسلم
بالنصر والدعا .. والصبر لامه
يا إخوانه يلي بالمعارك طفلنا
هز العدو حتى لو راح وبقوا
لاح وجهه في سماهم
وشققت شمسه مساهم
ليتنا مثله نهز الريح .. أو نموت ونستريح
كل قطعة من حجر شالت يمينك
تهزم أنواع السلاح ومن يشيله
يا طفل الله يعينك
وقفتك في عين هالدنيا ترى ما هي قليله
أمك تزغرد لموتك وتنتظر في الليل صوتك
إنت في الجنه وحنا كل يوم نموت موتك
حنا أمه تفتخر باجدادنا وامجادنا
كلنا نبغي الشهاده
ومن يخون الدين ويخذل بلاده .. ما هو منا
وكل أرض يرتفع فيها الاذان .. هي وطنا
يالمسجد الأقصى تجهزلك رجال
أبشر بنصر القادسية وحطين
ما فيه يوم إلا لهم مجد وأفعال
وحنا بعون الله بصدرك مصلين
حنا جنود الله تضرب بنا امثال
قليلنا دايم يهزم الملايين