09-27-2017, 08:42 PM
|
#2
|
بيانات اضافيه [
+
]
|
رقم العضوية : 766
|
تاريخ التسجيل : Jun 2017
|
أخر زيارة : 04-25-2020 (04:51 AM)
|
المشاركات :
149,568 [
+
] |
التقييم : 588940
|
الدولهـ
|
الجنس ~
|
MMS ~
|
|
لوني المفضل : Black
|
|
قصيدة حنا العرب
حنا العرب يــا مدعين العروبــــة
وحنا هل التوحيد وانتم له اجناب
وحنا شروق المجد وانتم غروبه
وحنا هل التاريخ و أنتم به أغراب
يوم الفقر شلتوا علينا عيوبــــــــه
واليوم عقب النفط جيتوا لنا أنساب
ويوم الفقر فينا البداوة سبوبة
واليوم صرتوا مثلنا بدو واعراب
لو الهوى منكم منعتم هبوبه
لاشك رزاق الملا رب الأرباب
ولو المطرمنكم منعتم صبوبه
لا شك رزق الخلق من عند وهاب
جيش الحسد سقتوا علينا حروبه
كل يبي يزرع على جسمنا ناب
حرب على المحسن تراها عقوبة
بالله عساكم ما تفيدون حراب
ياما عطينا ما ندور مثوبه
الامن اللى من ترجاه ما خاب
وياما نصرنا صاحب ضيقوا به
عاداتنا نقدم الى ما لردى هاب
وياما نصانا من تعثر دروبه
يدخل حمانا من تعذرها الأصحاب
حنا بنينا دارنا من طيوبه
وانتم سلبتوا داركم كل ما طاب
الله سقانا من بحرنا عذوبه
وانهاركم مثل البحر هدر تنساب
حنا زرعنا الحب بارض خصوبه
وأنتم زرعتوا كره الأجيال بتراب
وحنا دعينا السلم نوبه ونوبه
وانتم حمام السلم بعتوه بغراب
يا من دعا للحرب ما ادراك خطوبه
لاتحسب أن الحرب تهديد وخطاب
من شب نار الحرب يصلى شبوبه
ومن ثور الفتنة تعرض للأسباب
ما يستر الرجال ملبوس ثوبه
الدين وافعال الكرامة له ثياب
قصيدة يامدور الهيّن
يامدور الهيّن تـرى الكايد أحلـى
وأسأل مغنّـي كايدات الطروقـي
الزين غالـي لكـن الأزيـن أغلـى
والكلّ شـرّاي ٍ بضاعـة وسوقـي
النوّ عالي و السمـا فوقـه أعلـى
ولافاق علم ٍ جـاه علـم ٍ يفوقـي
الصعب هلاّ قلت يا صعـب سهـلا
دامك تبيني فأنت يا صعـب شوقـي
أحب اعسف المهـرة اللـي تغلّـى
و أحب أروّض كل طـرف ٍ يموقـي
وأحب أسافر مـع سحـاب ٍ تعلّـى
وأحب فوق الغيـم لمـع البروقـي
و أحب أساهر بدري اللـي تجلّـى
و ارسم شعاع الشمس عند الشروقي
يا من علـى ثايـر فـؤادي تولّـى
خلّك على قلـب الكرامـه شفوقـي
أكـرم عزيـز ٍ بالعمـر مسـتـذلاّ
يسوق عمـره للمشاريـف سوقـي
اخترتك مـن النـاس للقلـب خـلاّ
يا حيثك مرادي و كيفـي و ذوقـي
ما رحـت أدوّر كـل زول ٍ تحلّـى
لولاك تسوى ما عطيتـك خفوقـي
قصيدة كلما نسنس
كلما نسنس من الغربي هبوب
حمل النسمة سلام
وان لمحت سهيل
في عرض الجنوب
عانق رموز الغرام
لك حبيب ما نسا
كلمته دايم عسى
اطلب الله وارتجيه
صبح يومي والمسا
كل زين اشاهده
وانتم بعيد
منوتي ليتك معي
وان سهرت الليل
اهوجس بك واعيد
هل لاجلك مدمعي
وانت هاجس خاطري
وانت فرحة ناظري
يا قريب ويا بعيد
فيك امس وحاضري
نشوتك تلعب
مع قطر المطر
وانتشى قطره معك
والسحاب يطاردك بين الشجر
خالق الزين ابدعك
الندى في وجنتك
صار عطر بلمستك
والهوى غنى طرب
تستثيره بسمتك
كلما ضمت عيوني منك طيف
يا بعد كل الطيوف
قلت ما مثلك على الدنيا وصيف
لا حشا مالك وصوف
لا سحاب ولا مطر
لا نسيم ولا زهر
لا طيور ولا غزال
ولا مع باقي البشر
مجموعة انسان
قالت من انت ؟ وقلت مجموعة انسان
من كل ضد و ضد تلقين فيني
فيني نهار وليل وافراح و احزان
اضحك ودمعي حاير وسط عيني
وفيني بداية وقت ونهاية أزمان
اشتاق باكر واعطي امسي حنيني
واسقي قلوب الناس عشقٍ وظميان
واهدي حيارى الدرب واحتار ويني
واحاوم صقور الهوا حوم نشوان
واسيل الوديان دمع حزينِ
في عيني اليمنى من الورد بستان
وفي عيني اليسرا عجاج السنينِ
تهزمني النجلا وانا ند فرسان
واخفي طعوني والمحبه تبين
إن ما عرفتيني فلا ني بزعلان
حتى انا تراني احترت فيني
.....
|
|
|
التعديل الأخير تم بواسطة أحلام منسية ; 09-28-2017 الساعة 01:43 AM
|