الموضوع: ديوان الامير خالد الفيصل ( دايم السيف )
عرض مشاركة واحدة
قديم 09-27-2017, 09:21 PM   #4

الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي


قصيدة ياساعة العيد
ياساعة الفرحه تشوقت للعيد
عيد العيون وعيد قلب الصبابه
رد الجمال لشوفتي يا اتلع الجيد
واسحب على حرفي لحون الربابه
حرفي بصوتك يا اجمل الصوت تغريد
يا رمز حبي هاك رمز الكتابه
يا صبح عمر فيك للعمر تجديد
وحبك يجدد كل يوم شبابه
للعين والقمرا وحسنك مواعيد
وليل الهوى شرع للأحباب بابه
ياما زعجت الصوت باسمك تراديد
وياما نسيم الوجد يمك سرابه
وياما تمنيتك على باقي الغيد
واقول مثلك يا غلا الروح ما به
ابيك تهوى مثل ما اهواك وتزيد
يامن خفوق القلب حسنك غدا به
يا قطرة الغيمه على يابس البيد
رد الحياة لخافقي يا ذهابه
قصيدة جرح العيون
الله اكبر كيف يجرحن العيـون
كيف ما يبرى صويب العين ابد
احسب ان الرمش لا سلهم حنون
اثر رمش العين ما ياوي لاحـد
يوم روّح لي نظر بعينه بهـون
فز له قلبـي وصفـق وارتعـد
لفني مثل السحايـب والمـزون
في عيوني برق وبقلبـي رعـد
نقض جروحي وجدّد بي طعون
قلت : يكفي قالت عيونـه بعـد
وانعطف هاك الشعر فوق المتون
وانثنى عـوده وقفـى وابتعـد
اشغلتني نظـرة العيـن الفتـون
حيرتنـي بالتـوعـد والـوعـد
هي تمون العين والا ما تمـون
لى خذت قلبي وقفت يـا سعـد
قصيدة حدر القمر
حدر القمر صوّت لخله وناداه
ثلاث مرات وبالرابعة ون
حدر القمر يا ما همس له وناجاه
وعيونهم ياما بنوره تلاقن
والبارحه عدا على الذيب بعواه
واقفت ظنونه بالليال يتعادن
مرٍ حوالينه ومرٍ تعداه
ومر تضاحك له ومر يتباكن
هذي سواة اللي عن النوم قزاه
طيف الحبيب اللي على خاطره عن
ان شافت عيونه جمال تمناه
وان صوت القمري لصوت الهوى حن
الجارحه تجرح وتسري وتنساه
وجروح مجروح الليالي تساقن
والخافيه طعنة زمانه تمثناه
والبينه عنها عيونه يبوحن
قصيدة في سحابة
في سحابه
على متن التمني
شفت عمري
خيال في سحابه
يا ذهابه
تعدى ما ارجهن
كن عامه
نهار يا ذهابه
من غدا به
ربيع العمر مني
حسبي الله
على وقت غدا به
إلتوى به
رجا قلب يون
ويل قلب تعلق والتوى به
في شبابه
حبس نشواه عني
ما تهيا لذيذه في شبابه
ذا صوابه
عقب ما هو طعني
لو نسيته يذكرني صوابه
من هقابه
يخيب كل ظني
واعذاب الخفوق اللي هقابه
رد بابه
زماني وامتحني
يوم ثور عجاجه
رد بابه
يا ربابه ..
على المسحوب غني
من قصيدي
بكى قوس الربابة
قصيدة طال السفر
طــال السفـــر
والمنتظر مل صبره
والشوق بامحبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
طيفه عبر
ما أرسل مع الطيف عذره
هو خاطره من لوعتي ما بعد طاب
هو ما ذكر
أن الجفا فيه كسره
للخافق اللي من هوى صاحبه ذاب
يا ما سهر
طرفي على حبس عبره
اردها والوجد للدمع جذاب
دمعٍ حدر
جاله على المنع جسره
عظيم وجدي للدمع شرع الباب
يوم وشهر
عزاه والعمر مره
والناس واجد لكن الولف غلاب


 
 توقيع :




التعديل الأخير تم بواسطة أحلام منسية ; 09-28-2017 الساعة 01:44 AM
رد مع اقتباس