🌸 إياك ان تتصور إن " إنصافك لامك على حساب زوجتك ... يعتبر بر بالوالدين "او انه عرفان منك بالجميل على تربيتها ليك ...

🌸 وخليني اصدمك بحقائق دينيه في المقام الاول ... مدعومه بقياس عقلي منطقي (وعشان ما تتهمنيش بالجمود الفكري ... وندخل في جدل بيزنطي ... خد كلامي على انه راي شخصي نابع من قناعاتي الفكريه )

⛔ - مجرد تلميحك لزوجتك ... ان امك اهم عندك منها ... ده ظلم عظيم وكسر للنفس ... هيخليها تفقد احساسها بالامان معاك ... وده لا هو في صالحك ولا في صالح امك

🌸 - إجبارك لزوجتك على خدمه ورعايه امك ... يعتبر قهر انساني ... هي غير مطالبه برعاية اهلك ... ده شيء انت مكلف بيه مش هي ... انما ممكن تحسن معاملة زوجتك بالشكل اللي يخليها تعمل ده عن حب وطيب خاطر

🌸 - امك مالهاش اي حق انها تؤمر زوجتك بفعل اي شيء ... سواء في حضورك او حتى غيابك ، ودينيا طاعه الزوج لا تنتقل بالوكاله لاي فرد غيره

🌸 - لو امك غلطت في حق زوجتك ... فانت مطالب شرعا برد حقها وانصافها ، ولو حتى بمنع الاذى عنها وده اضعف الايمان ، والعكس بالعكس صحيح

🌸 في النهايه ... لو انت فعلا شخص بار بوالديه ... فنصيحتي ليك ... عامل زوجتك بافضل ما يكون ... عشان تضمن انها تعامل اهلك بكل ود ...
خليها ترعاهم حبا فيك ... مش قهرا منك.