قصيده غرق كل الورق
غرق كل الورق
والشوف غبش بين حجّانك
تعبت أكتب كلام الحب
وتعاندني دموعي
تشيله حرف حرف
وتذبل الورده ببستانك
وانا أسهل شي وأصعب شي
لو بقول موجوعي
ترجّيتك بضعف الحب
ما توزن بميزانك
تشد الحبل لين يصير
بين إيديك مقطوعي
ترى هالقلب ما يتحمّل
تخلّيه ينشانك
وهو حتّى على صغره غدالك
صوت مسموعي
أنا حتى الهروب اللّى نويته
صار عنوانك
ما دامي لا مشيت بكل درب
تصير موضوعي
أشوف السحب وأشوف المطر
والعشب بألوانك
وأخلّي النجم لامني سهرت
بليلك شموعي
..................
قصيدة يا مر هالحزن
مرات تصدق علوم ليت ما تصدق
وأشين جميع العلوم الموت والفرقى
لا مات أبوك الذي بمحبته يفرق
تشوف حتى السماء سوداء وهي زرقى
الليله الدمع لحروف الحبر يسبق
وأورقنا من دموع عيوننا غرقى
سحاب حزن مزونه للصدر تحرق
يامر هالمزن والرعاد والبرقى
ياثوبي أغرق بدمع من غلاه أغرق
راح الذي من خلقه الله وهو يرقى
راح اللي أعده من قوله فهد تشرق
محرق قلوب الأعادي كلها حرقى
له صورة بالبياض تزود ما تعبق
حتى وهو فالقبرفي هيبته فرقا
رما عنان الفرس والسيف والبندق
وودع عروس الديار الشيخه الطرقى
اللي ربت بين كفينه وهو يفتق
صدر الدجاء لين شاف شموسها شرقى
والله هو اللي يميت ويحي ويخلق
والعين تدمع نهار الموت والفرقى
....................
قصيدة على فكرة مين
مين اللّي جابني عالبال
من اللّي ذكرك فيني
وهدايا الشوق وسنيني
أبد ما علّمك إني
نسيت جروح ظالمني
تجيني بكلمتين جداد
تظن إنك بترضيني
تقول آسف ومن عيني
أراضي قلبك الزعلان
تعلّم بعدي النسيان
وسلّملي على جروحي
وعطّني قلبي وروحي
وقول إنك عليّ غلطان
................
قصيدة بين البرد والبرد
بين البرد والبرد يا صاحبي فرق
وبينك وبين الناس حاجه وحاجه
يا ناعم الخدين من وجهك الشرق
يشرق سنا صبح الهوى ونتواجه
ويشيل لك قلب العنى سامره طرق
ويلبّسك زين المخاليق تاجه
حول من الهاجس على القلب ثم أرق
اشرب قراحه واعط غيرك هماجه
مالي بقلبي يا هوى خاطري عرق
يلقى بك القلب العليل انفراجه
متى القمر والشمس والنور والبرق
تهزم جبينك يا صعيب المواجهه
يا حارق قلوب توليتها حرق
ما أحد اذا طلّيت يرفع حجاجه