منتديات جمانة فلسطين - عرض مشاركة واحدة - روائع الشعر النبطي لمهندس الكلمة الامير ( بدر بن عبد المحسن )

اوسمتي · 07-26-2017, 02:22 PM

( تخيل )
تاقف على طرف الهدب ما تلمحك عيني
عاتبت أكيد إن العتب ما كان يعنيني
سلم أبرّد السلام .. وهذا ترى كلّ الكلام
اللي بقى بينك وبيني .. تخيّل
★
اليوم مشتاق لسما .. للشمس والأرض البعيد
اليوم ولغيرك أنا يطرى على بالي القصيد
اشتقت للقلب الخلي .. وش هم لو تعتب عليّ
جيتك أنا بليلة ألم .. قلبي على كفي
همست لي روح يا غريب .. الشوق ما يكفي
سلم أبرّد السلام .. وهذا ترى كلّ الكلام
اللي بقى بينك وبيني .. تخيّل
★
من وين .. ومنين ومتى بالله ذكرني ..
جيتك أنا فليلة شتا .. تهزني ريح الشمال .. تهزني
محتاج أنا لبسمة وشال .. محتاج لك ..
تركتني لبرد الطريق وأنا على بابك
أتذكر إنّك قلت لي .. بالله وش جابك ..
ودعتني قبل السلام .. وهذا ترى كلّ الكلام
اللي بقى بينك وبيني .. تخيّل
(ارفض المسافة )
ارفض المسافه
أرفض .. المسافة
والسور .. والباب والحارس ..
آه أنا الجالس ورى ظهر النهار ..
ينفض أغبار .. ذكرى
أرفض .. يكون الإنتظار .. بكرا
أبسقي ..عطش قلبي اليابس..
على اشفاهي ..
بقول أحبك ..
أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار
آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا
مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
أرفض الصمت .. الحوار
بيننا .. خلف الجدار..
أبسقي عطش قلبي اليابس ..
على شفاهي .. بقول أحبك ..
أرفض إني أموت .. أموت في قلبك
مادري بموتي أحد .. حتى أنا
( الرسايل )
وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله
في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله
لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله
( الله البادي (وطني)
الله البادي .. ثم مجد بلادي ..
ديرتي .. غيرتي ..
حبي اللي في العروق ..
جارفٍ .. دافي .. صدوق ..
حالفٍ ما أشرب و أذوق ..
غير حب بلادي ..
و غير عز بلادي ..
دارنا ماهي في كل الديار ..
شمسها .. تسبق الشمس بنهار ..
و أرضها .. تزهر أمجاد و فخر ..
أهلها اهل الشيم .. عمروها من عدم ..
سطروا فوق العلم .. لا إله الا الله ..
الرمل .. عانق السهل الهضاب ..
وحدةٍ .. تجمع قلوب و تراب ..
شرعها .. حكمة الله في الكتاب ..
أهلها اهل الشيم .. عمروها من عدم ..
سطروا فوق العلم .. لا إله الا الله ..
( زمان الصمت )
وترحل .. صرختي .. وتذبل
في وادي لا صدى يوصل .. ولا باقي انين
زمان الصمت ياعمر الحزن والشكوه
ياخطوه ماغدت تقوى .. على الخطوه
على هم السنين .. وترحل صرختي وتذبل
حبيبي ياحبيبي ..
كتبت اسمك على صوتي ..
كتبته في جدار الوقت
على لون السما الهادي .. على الوادي
على موتي وميلادي ..
حبيبي لو ايادي الصمت .. خذتني لو ملتني ليل
حبيبي ياحبيبي
انا عمري انتظاري لك
لاتحرمني حياتي لك ..
وترحل .. صرختي .. وتذبل
( قصت ظفايرها .. ودريت )
البارحه .. جاني خبر ..
أدري لبست خاتم عقيق ..
وتقرا لها كتاب .. عتيق ..
كتاب .. واظنه شعر ..
أحفظ أنا حجار الطريق .. اللي يودي لبيتها ..
واعرفها زين ..
واعرفها زين ٍ وانا ..
لا شفتها ولا جيتها ..
قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..
حبيبتي .. يا حلم ..
ياللي أعرفك اسم ..
وجهٍ تصوره الحروف .. واتخيله ..
نجم ٍ احس انه قريب .. ما اوصله ..
انتي اللي اعرفه .. زين ..
واللي اجهله انتي ..
حبيبتي .. وياليتها ..
اعرفها زين وانا .. لا شفتها ولا جيتها ..
( قلت المطر )
قلت المطر قالت من الـيوم ديـــمه
ما به رعد لا برق ماغير هـــــــتان
عشق جمع ما بين قـاع وغيمــــه
سيّل علي صدر الثري دمع الامزان
همس النديم اللي يـعاتب نديمــــه
صوت المطر كنّه تعاتيب خــــــــلان
تبسّمت لاجل اللـيالي القديمــــــــه
وقالت تذكّر قلت يابنت نسيــــــــــان
نقض الجروح اللي تشافت ظليمه
ما عاد به وصل ولا عاد هجــــران
ما للرجا في بعض الاحـــوال قيمه
و ما للعمي صبح ولو بات سهران
لو للزمن عن نيّة الغدر شيمـــــه
ما فرّق احباب ولا بعّد اوطـــــــــان
لاشك وينك يالقلوب السليمــــــــه
اللي تجازي عن خطا الخل غفـــران
كلن خصيم وذاق لوعة خصيمه
واللي خصيم الوقت يا بنت خســران
( ياطفلة تحت المطر )
يا طفلة تحت المطر .. تركض واتبعها بنظر
تركض تبي الباب البعيد .. وتضحك على الثوب الجديد
ابتل .. وابتل الشعر
لو رميتي شالك الدافي .. على متن السما
دفيت الشمس من فصل الجليد
لو نثرتي صوتك الغالي .. على صدر الظما
انبت العشب واخضر الجليد
يا طفلة تحت المطر .. تركض واتبعها بنظر
تركض تبي الباب البعيد .. وتضحك على الثوب الجديد
ابتل .. وابتل الشعر
( كل ماقفيت )
كل ما اقفيت ناداني تعال
وكل ما أقبلت عزّم بالرحيل
الحقيقة غدت مثل الخيال
هو عدوّي وهو أوفى خليل
شفت أنا الظلم من بعض الدلال
يجرح القلب لو كانه جميل
يوم ٍ أجنبت واعدني شمال
يا أهل الحب ضيعت الدليل
أشهد إن الهوى ما به عدال
هو خلي ٍ وأنا قلبي عليل
كل ما قلت له يا ابن الحلال
المحبة عطا وانت بخيل
التفت يمي وهو عجل ٍ وقال
لذة الحب في الشي القليل
( المرايا )
كلنا عشاق لكن
انتي لا ما أنتي معايا
ولما تجمعنا الأماكن
تأخذك مني المرايا
انتي مشغولة بروحك
ما ملك قلبك وروحك
لا انا ولا سوايا
كلنا عشاق لكن
كل واااحد له حكاية
أعطي ظهرك للمرايا وشوفي غيرك
اظهري من ليل كحلك ومن اساورك وحريرك
افتحي الشباك مرة شوفي هالناس في الشوارع
وش كثر هالغربة مره اللي وسط الزحمة ضايع
انتي مشغولة بروحك
ما ملك قلبك وروحك
لا انا ولا سوايا
كلنا عشاق لكن
كلنا نحبك
وانتي جرحك فيا ساكن
وانتي جرحي برا قلبك
امشي لو نصف المسافه
وقفي بينك وبيني
اكسري كل المرايا
انتي اجمل وسط عيني
ياللي مشغولة بروحك
من خذا قلبك وروحك
هو انا ولا سوايا
( انت والا الموت )
ان رفعت الصوت .. صحت يا بعدك
وان قويت سكوت .. آه .. آه .. آه يا بعدك
انت ولا الموت ما حد ٍ بعدك ..
وين أرضك وين .. يا دوى المجروح
ان فقدتك عين .. ما فقدتك روح
انت شينك زين .. ارجع و مسموح ..
بالجدايل شيب .. من سبب هجرك
لو سنين تغيب .. جيتك عذرك ..
كيف أببكي عيب .. كود في صدرك ..

انثى مختلفة ,عاشق الذكريات معجبون بهذا