قصائدة
قصيدة بعض احوال
أنـا مـقدر أكون
اني حبيب في بعض أحوال
أنـا كـلي أجـي
و الا أروح بعزتي .. كلي
تـخيرت الـفراق
و مـادريت إن الفراق وصال
أقـول انـي نـسيتك
بس مدري كيف تاصل لي
خـذاني لـك سؤال
في عيونك و الجواب محال
خـذاني مـنك
دمـع فـي عيوني ما رضى ذلي
رحـلت انت
و تركت بداخلي طيفك و صبر طال
غـدت ذكـراك
شمس ما تغيب و صورتك ظلي
حـكيت و ما لقيت
مـن الـحكي الا الندم موّال
سكت و مت بالحسرة
و لا ادري و شهو احسن لي
أحـبك كـل ما فيني
يـحبك يـا خـلي الـبال
تـخيلتك دواي و صرت
جرحي الصعب يا خلّي
تـعبت أرحـل مع وجيه البشر
بأنساك بالترحال
و لا ادري وش يـجيبك
في وجيه الناس و اهلّي
قصيدة يا طاهرة
يـابنت انـا مـاني كـذا
وظنونك تكذب عليك
كـلي عـيوب وما قوت
تخجلني ظنونك واتوب
اكذب عليك ودوم اخونك
والبس الابيض واجيك
واعـشق معك الفين وجه
ويمتلي صدري قلوب
احـلى الـكلام اقـوله لـك
لوقلته البارح لذيك
يـوقف عـلى شفاهي
معك مراهق صب لعوب
اكـذب ولا ادري لـيه اكذب
اعشقك ما ارتجيك
اخاف من صدق الحقيقة
في الهروب من الهروب
والله احـبك واعـشقك
واعرف زمان اني ابيك
ولـكنها هـذي الـحياة
تـعلمت مـن الذنوب
الـعين عـجزت تـعتقك
الـقلب عيا يشتريك
فـي السجن خيال وفي
في الصدر رجال كذوب
هـذي الحقيقه ما يجي
في الكون اطهر من يديك
وانـا الـذي انقظ وضوء
الغيم والماء والهبوب
انـقل عـيوبي فـوق متني
وانتي لعيبك شريك
وبـاكر تـبسملي وجـيه
لـك يعبسها الشحوب
يـا طـاهرة حـنا كـذا
والمظهر يكذب عليك
يـمكن يـجي يوم يجي
نخجل من ظنوك نتوب
قصيدة آخر الحب
كنت احسب
اني عرفت الحب قبل اعرفك
وعـشقت
قبل اعشقك واشتقت قبل التقيك
وكنت احسب
اني لقيت احباب قبل اوصلك
واثـري
توهمت في غيرك وانا كنت ابيك
تـعال نـعطش وتـشربني وانـا اشربك
تـعال قـبل الـوعد اجلس معي نحتريك
تـعال شـفني وانـا اسـتناك كم اشبهك
يطري علي
الف راي و راي واحتار فيك
اجـي مـكان الـوعد والا اسـبقه انطرك
والا آخـذ الـموعد الـلي يحتريك واجيك
يـا آخـر الـحب ذقـت الحب في اولك
ويـااول الشوق اقصى الشوق ما ينتهيك
عـلمتني كـيف اعرفك لين صرت اجهلك
ضـيعتني فـي مـتاهاتك وكنت ارتجيك
حـبـيب الاحـلام يـابعدك ويـامقربك
حـرام يـكفي تـبعثرني وانـا احـتويك
ان شـفتك بـحلم صـدقته وانـا اتوهمك
وان شـفتك بـعلم كـذبته الـين انتشيك
اخـاف اغمض عيوني وان رمشت افقدك
واخـاف افـتح وتـصبح حلم ولا التقيك
قصيدة محتاج لك
انتي بكف وباقي الخلق في كف
متعليه في وسط قلبي ولك شان
في غير وصلك مالقلبي ترى شف
محتاج لك يانور عيني وشفقان
لا جابوا اسمك صرت انا تقل مختف
مالي على نفسي الى اطروك سلطان
من غير حبك غضت عيوني الطرف
ياللي جمالك صار للزين عنوان
اريد انا قربك ترى ياغذا الحرف
وان ماحصل موتي ودنياي سيان
قصيدة علمتني !
علمتني وشلون احب
علمني كيف انسى
يابحر ضايع فيه الشط والمرسى
علمتني وشلون احن
علمني كيف اقسى
سير علي بس امسح دموعي وروح
سير علي جب لي معك قلب وروح
سير علي اذا تذكرت الجروح
ياطاغي النظرة خطا
تجزى بهالبخل العطا
وانا اللي اهديتك أمن عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي على وداعك تهتدي
بس انت علمني الجفا
دامني عجزت اعلمك كيف الوفا
علمتني كيف السهر ونسيتني الممسى
علمتني وشلون احب
علمني كيف انسى
قصيدة ميت وأنا حي
بيني و بينك عرفت الموت
تحب و الحظ متجني
تبي الصدق حبها منحوت
وأصبحت منها و هي مني
أفرشلها القلب بالياقوت
و أقول يا دلي إتمنّي
صدري قصور و مدن و بيوت
و هي المليك اللي يحكمني
يا ويل ويلي عليها صوت
تحكي تقل كنها تغني
و سكوتها غير كل سكوت
كل شي فيها يكلمني
قد شفت شمس زرعوها توت
بشفاتها التوت متثني
ياحلوها و القلم مبهوت
وش يكتب بوصفها عني
هي دنيتي و الهوى و القوت
و إن غبت عن وجهها كني
متغرب و غربتي تابوت
ميت و أنا حي مستني
قولو لها لو يفوت الفوت
هو ينفع الصوت متعني
وقولو لها و الله إلا موت
لو خاب في حبها ظني
قصيدة إن حكت
ان حكت غار السكوت من الحكي
وان بكت يحسد مدامعها الغرور
كنها والشمس خصم ومشتكي
وبين ذيك وذيك عذبت السطور
الثرى يا مايسه مغروركي
ومن يلومه ما يعرف سر الغرور
والجمال امرايته في وجهكي
والبها له في جفن عينك فتور
الحلا يا حلوتي شبّه بكي
منهكٍ حرفي ويشكي به قصور
والحروف اتهني احروف اسمكي
والاريج اختال في عرس العطور
يا غريره ياغرورى مسلكي
تهت والا تاه عن كفي العثور
في طريقي ضاعت الخطوه لكي
ماتميز بين نار وبين نور
قصيدة الأمل قدام
أحيان أحس أن الأمل قدام
وأحيان أحس أني أتوهم
وأحيان أحس الملام هيام
وأحيان أقول السكوت أرحم
أتعب السهر..ماتعبت تنام
إلى متى وأنت ماتهتم
ماقلت لك تشبه الأيام
تجرح وتنسى ولا ترحم
تعبت أسافر مع الأحلام
ولا أكتشفت أني كنت أحلم
إلين صحتني الأوهام
على جروحي وأنا مغرم
الحب أحلى قدر لو دام
الحب أغلى أمل يرسم
بحب لين أعذر اللوام
بحب لين الندم يندم
