سنا الفضة
جتني وشافتها عيون حايرات
ذا شعاع الشمس او هذا سناها
ضاعوا اللي
جوا معاها مسيرات
واقبلت تمشي تقل محد معاها
يا سنا الفضه ويا جيد المهاة
يا شذى نبت الخزامى في وطاها
قلت:
زاهي بوجنتك زهر النبات
قالت :
ان الرمش يجرح لي صفاها
تجرح الظلمى عيون ناعسات
سلهمت
واغضت تغطرس في بهاها
حققوا بالشوف في لون الشفاة
هو خذ منها الشفق والا عطاها
لو ظلام الليل يعطينا ثباة
فيه من لون الشعر والا كساها
كيف اباصف زين كاملة الصفاة؟
كيف اباصل في حروفي منتهاها ؟
حبيبتي لا من غديتي
حبيبتي
لا من غديتي لي سراج اتبعه
وكني غديت
من الظما اركض ويطردني السراب
لا تبخلين
اليا شربتك ماشربتك من سعه
دامي من جروح الهموم
الموجعه كلي صواب
اليوم مرتني السواني والفصول الاربعه
اليوم مريت المواني والمباني والسحاب
اليوم ماكني لقيتك مر صوتك ماسمعه
اليوم ما كني فقدتك من سؤالين وجواب
يابنت في خدك وهج
سيل الشموس الساطعه
احرق بداخل داخلي
انسان ماهو للتراب
واللي خلق ظلم الليالي
بالعيون الهاجعه
اني من الحرمان اتسائل
وحرماني جواب
يوم الوداع تخيلي
مالي حبيب اوادعه
محروم انا وتخيلي محروم
حتى من العذاب
يابنت لي قصه تطول
بكلمتين موجعه
هي باختصار اني انا
اركض ويطردني السراب
كل العواذل
حبيبتي كل العواذل تشابه
قلبه ظلام ووجه يشبه للأصحاب
ولا ما غدى لك صاحبٍ ينحكى به
لا تسمعي أن كان لك قلب وأحباب
إلى مشيت الدرب يلهث سرابه
وإلى سكنت الدار ناداني الباب
وشلون أنام وهم قلبي صوابه
والشوك ينبت بين جفنين وأهداب
تعبت امني الأسئلة بالإجابة
وانطر شروق الشمس والشمس بغياب
وتعبت أناظر والمعنى عذابه
أنك بعيده والملا دونك حجاب
اسمع كلام وما أعرف الإجابه
وعندي شعور صدق والوقت كذاب
كل النجوم اللي امطرت من سحابه
حبيبتي دمعك جرح قلب واتراب
واللي وقف ما بين بابي وبابه
قلبه ظلام .. ولابس ثوب الأصحاب