منتديات جمانة فلسطين - عرض مشاركة واحدة - ديـــــوان الشاعر طــــلال الــــرشيــــد ( الــــملتاع )

اوسمتي · 01-08-2018, 08:05 AM

قصيدة مكانك مكانك
"أمـوت مـن فرقاك .. وأموت بلقاك
وأموت من جورك .. وأموت بحنانك
كـلٍ قـضاه يـموت مرّه.. ويفداك
وأنـاأمـوت ألـفين مرّه.. عشانك..أذكـرك
لا مـني نسيت إني نسيتك
أنـساك .. لامـني ذكـرت نـسيانك
رضـيت أنـابالهم لرضاك مرضاك
وارخصت لك قلبٍ جرحته.. وصانك
أجـيك في صدري عتاب
وأبجفاك
وأرجـع ألـوم الوقت وأقول خانك
أحـب فـيك.. احساسي إني بلاماك
فـي عـز خـوفي منك أحس بأمانك
عـجزت أفـرق بين وصلك و فرقاك
يـاللي عـطيت الـناس بيدك عنانك
مـر تـجيني لـين أقـول إنـي إياك
ومـر تـروح بـعيد وانسى أوانك
أقـبل و تقفي.. واعتذر عن خطاياك
وأقـول مـا عـييت.. عـيا زمانك
وإن خـانتك دنياك.. أو خنت دنياك
إرجـع و تـلقابي.. مـكانك.. مكانك.."
قصيدة احساس غريب
الـلـيله احـسـاسي غـريـب
عـاشـق وانــا مـالي حـبيب
حـبيت ... كـل الـناس لاموني
حـبيت ... كـل احبابي باعوني
قـلـت احـب الـحب احـسن
قـلـت احـب الـحب اضـمن
لا احــــن .. ولا اتــــوه
ولا بـعـد فــي يـوم احـزن
رضـيـت بـاقداري ونـصيبي
صــرت مـحـبوب الـحبايب
وصــار كـل عـاشق حـبيبي
الــلــيـلـه غـــيـــر
شـــعــوري غـــيــر
اشـــواقـــي غـــيــر
حــتـى الاغــانـي غـيـر
صدري سما .. واحساسي ... طير
بـــس طـيـفك مـاتـركني
ظــل سـاكـن تـحت جـفني
كــــــان وافــــــي
كــان يـذكر .. وانـت جـافي
انــــــت ويـــنــك ؟
كـان هـذا الـفرق مابيني وبينك
جـيـتـني تـشـكي الـزمـن
وجـيـتـك أبـــي أدفـــى
لـقـيت فــي قـلـبي وطـن
ولـقـيـت بـــك مـنـفـى
قصيدة تنهيدتين ونار
كــلّـمـنـي عـــنّــك
أبـعرف كـل شـيٍ عنّك منّك
قــلّـي وش أول جـروحـك
قلّي وش آخر أمل ترجيه روحك
إحــكـي عـــن طـبـعك
وعـــــن ربـــعــك
عــن الـلـي يـهزّ دمـعك
قـلّـي وش مـعـنى الـحـياة
قـلّي بـأنفاسك متى قد قلت آه
إحــكّ لــي عــن الـحب
إحــكّ لــي .. إحـكّ لـي
إحــكّ لــي عـن الـشوق
طــر بــي فـوق .. فـوق
خـــذنـــي مـــنّــك
وإحـــكّ لــي .. عـنّـك
الــــــصــــــدق
إن الأمل من قبل أعرفك .. كذب
والـتـضـحـيه أوهــــام
وإنـي أنـا مـن قـبل أعرفك
كــنـت أعـــرف أنــام
كــان الـسهر مـو هـالسهر
لـعب .. و أغاني .. و إختصار
صـــار الـسـهر تـفـكير
صـــــار إنــتــظـار
صـــــار إحــتـظـار
صـار السهر .. تنهيدتين ونار
يـــا مـنـتـهى أمـــري
بـالهمس قـلّي مـرّه يا عمري
وطــر بـي فـوق .. فـوق
خـــذنـــي مـــنّــك
وإحـــكّ لــي .. عـنّـك

شامخ بطبعي ,عاشق الذكريات ,إمبراطورة البحر معجبون بهذا