قصيدة بعـــــض الاحـــباب
ما قلت احبك
ولا قد قلت ما احبـك
احب مالي عيونـي وانـت تسواهـا
لوتدري اشكثر تعني لي تعرف إنـك
آخر امل فـي حياتـي وأول مناهـا
ياكثر احس ان بك مني وبـي منـك
روحٍ قسمهـا شخصييـن مـولاهـا
لاتقول شتحب فيني اعشقـك كلـك
من ليل شعرك لشمسك واخر اقصاها
سميتني نصفـك الثانـي وياشحـك
انـا بسميـك كلـي وانـت معناهـا
تعبت اوديـك لـه ياقلـب ويـردك
لا خذ حلومي ولا خلانـي انساهـا
كل الحمام استراح وناح فـي ظلـك
والورد الاصفر سقته الروح من ماها
ليتك بعمري ثلاث اشخاص ما املك
واحد معي دوم واحد روحي يملاها
والثالث بجفن عيني لافقـدت حسـك
او غمض الجفن جاني فيـك يتباهـا
مو بس أحبك أنـا والله مـن حبـك
أحب حتى ثرى الأرض ألي تطاهـا
قصيدة عـــــــــيون الـــحب
عيون الحب لا يمكـن تناظـر
عيوب الخل لو هو عيب كلـه
تماري فيـه وبوصفـه تكابـر
ترى من فوق خلق الله محلـه
رفيق الليل في الشباك ناظـر
واثاري الليـل شبـاك لخلـه
حفظ أحلى الكلام وصار شاعر
بصبر ينتظر .. والصبر ملـه
حبيبٍ عشت في دنيـاه عابـر
حسب قوله ويا شعـري فقلـه
أنا ضحيت له وارجى وصابر
واذا عيـا أقـول الله يحـلـه
على اللي ينتظر يا بعد باكـر
يبي السلوان والذكرى تضلـه
عيون الحب في قلبـي تناظـر
تشوف اللي عيوني مـا تدلـه
قصيدة ذكـــــــرتك
ذكرتك والزمان غروب
ذكرتك والمكان الشط
بالصدفة ذكرتك والعيون تذوب
دمع ٍ مع حنيني ماستر خافي
ذكرتك يوم شفت الشمس غابت
والقمر ينساب من شرفة
ذكرتك والنجوم تلون
لحاف السما وتعاتب الجافي
ذكرتك نصف قلبي هم شوق
وهم حبك ماخذ ٍ نصفه
ذكرتك كل ما فيني
حنين ودمعتي وكفي الدافئ
ذكرتك
ماذكرت الا عيونك والجبين
وكل ما اعرف ذكرتك
مانسيت الا جروحي
والانين ودمعي الصافي
انا اول عزاي
اني حملت العاشق اللي مانسى حلفه
وانا اخر عزاي
انك نسيتيني وانا طيفك ملا الغرفة
تلوم اللي تفانا
في طريق ٍ مالقى في اخره ولفه
الى منه بكى
كل الندم في حجر عينه غصب ينشافي
اروح ولاطرت
حنيت مثل مضيع ركض ٍ على حتفه
والا ناديتها كسّر
حنيني جوف صدري مثل مجدافي
يبيك اللي عيونه اللي
ماقوت تحمل قليل ٍ من بعض عطفه
يبيك اللي مشى لك
او مشى بك او مشى في سكتك حافي
يبيك اللي الا شافك
تلعثم بالكلام وينصعب وصفه
يبيك اللي يشوفك شمس
والدنيا ظلام ودفتره غافي
انا قلت ازعلي وخليني
اشوف الحنين وش مدى نزفه
انا ماقلت خليني
اقول من الوفا يالله يا كافي
اموت..... وما اعود اتذكرك
والمشكلة طييفك ملا الغرفة
واموت وما اعود انساك
يا حبي القديم الصادق الوافي