قصيدة ما جته في موعده
يحتريها موعد آمال كبار ناجته
يحتريها حافظ بعض الكلام اللي يبلغ حاجته
يتأمل بالوجيه يتحراها تجيه
والثواني يأس يرجي وترتجيه
لا تأمل بالوجيه
موعدك لا ما تجيه
وما جته
الناطر الموعود اشبهه بالعود
اللي وقفت يوم على متنه حمامه
راحت وناطرها تعود
طويل النفس ليله
ويرجي صبر حيله
ويله
كم تأمل بالوجيه وكم تحراها تجيه
وما جته
لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان الغيوم قلب على الصحرا حنون
اصدق وما اصدق تجيه
اللي على خده يده
واللي الامل باسمه نده
قم تأمل بالوجيه
موعدك يمكن تجيه
وما جته
قصيدة مثل مــابدينا انتهــينا
دنيا غريبه والبشر مثلها أغراب
يخونك الي امس من قلبع عطاك
غصــب عني اسهر ليلي بعــذاب
ولــوغفت عيني صحــاني غـــلاك
شـيبـت لـي قـلبــي وأنـا شـــبـاب
انـا بقايا انسـان مـن كثـر الهـلاك
حبيتك واتضـح لـي حبــك سـراب
وكنـت اتـمنى العمــر كلـه معــاك
صدمتني بالخيانه يااغلى الاحباب
ماكنت متوقع اعيش العمر بلياك
خنتي وصديت عني من غير اسبـاب
بعتني ياحيف وانا مافكرت انساك
لحنا بقينا احباب ولانقدر نصير اصحاب
مثل مابدينا انتهينا والله يحفظك ويرعاك
قصيدة صديق الطفوله
صديق الطفوله وش جرى لك مـع الايـام
هي انصفت دنيـاك والا انـت بـك مثلـي
فقدنـا ملامحنـا مثـل سـايـر الانــام
عبث بنـا جـور الزمـن والزمـن يبلـي
وقفنـا جميـع وبيننـا حاجـز الاعــوام
صعيب وصولي لك..وياصعب لك وصلـي
وانا اشوف في وجهك طريق غشـاه عتـام
وذاك النخـل واشـوف دارك ودار اهلـي
وسدره هي اكرم مـن اهـل بيتهـا اللـوام
وفي وجهك اصحابي عصى مدرسي وفصلي
وعـود كبيـر ودايـم فالـظـلام يـنـام
وفـي ذكرياتـي لـه بعـد ملمـح وجلـي
وسور كتبنا فيـه ذكـرى عبـث واوهـام
ولي في عيونـك صـورة زانهـا جهلـي
بثـوب تبلـل بالمطـر والتـراب وشــام
وانا احب اسير العب وهي حافيـه رجلـي
انا وانت طفل وطفل دايم رضـى وخصـام
بكانـا سهـل والضحكـه امـر سهـلـي
دعانـي بوجهـك نـاده ينـده الاحــلام
معه رمح مدري هو علي غاضب او لجلـي
انا كيف اباصل الامـل خلـف مـو قـدام
كثير الاسى والسهد يـا مـن فعـل فعلـي
قصيدة قــــالـــت قـــــدر
قالت قدر.. وأقول يومك تبيني
غصب على الدنيا يدك في يديني
لا تظلمين الوقت .. وش ذنب الأيام
لا تظلمين الحظ لا تظلميني
غديت ما بين الرجا فيك والياس
هذا يبي مني وهذا يبيني
إن قلت شمت وخاطري طاب كذاب
وإن قلت أبيك أرخصت نفسي بعيني
خيرني أمري بين أصعب خيارين
موتي أنا أو موت الإحساس فيني
لكن زماني المر علمني
اني أموت مااحني لجل قلبي جبيني
والله ما تلقين حبي مع الناس ..!
روحي وهالايام بينك وبيني