ثقوب
فم الجروح .. نوافذ البوح
هذي ثقوب الصارخ الحي
نوافير من ضي .. وجدار
أملاها بحديث النار
وأكسرها على اقدام الأماني
مره أغاني .. كلام جارح
وهذا القصيد اللي كتبت البارح
اليوم انفاس الصباح
تلفح الجروح
آه يا صبحٍ لمحت .. في عتمته روحي
طفله تصدح على خشب المسارح
يا صوتها الغاضب المقطوع
بعض السواد .. شموع
ومحدٍ درى وش قلتي
خانتني الجوارح
مثل القصيد اللي كتبت البارح
كافي عتاب
البارحة والقلوب أصحـاب
كنت القمر وأنت تمدحني
واليوم .. لي مخلبين ونــاب
ومشا هد الـدم يفرحني
كذاب هذا المـدح كـذاب
وكـذّاب ذم يجـرحني
إنسـان..ماني نجم وشـهاب
وليتك مـلاكٍ وتصلحـني
لي صرت عـاري..علي ثياب
بالله وشـلون تفضحـني
اخطيت واخطيت كافي عتاب
إنطـق بحكمي وريحـني
ياصـاحبي ماقطعت أرقـاب
عـدلٍ قصـاصي وتذبحني
ولاني بعد أجمل الأصـحاب
الأجمـل إنـك تسـامحني
أبي النسيان
تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لا تعاندني
بيلقى صاحبي غيري وأباالقى في العرب غيره
طريقنا واحد
امشيه .. معي
أحباب .. كأنك تبين
أصحاب .. اللي تبين
يكفي متى .. ما توصلين
تتذكرين
إنك حزينة .. وانا حزين
كافي كلام
ما بي .. وعد
أو التزام
طريقنا يمحي الظلام
نمشي مسافات الرجوع
ودرب الهوى كله خضوع
ارمي الجرائد والهموم
لا تجبري عيونك تنوم
لا واسمعي همس النجوم
وهم الوداع .. وكثر الحنين
وكافي كلام .. ما بي وعد
أو .. التزام