قصيدة احبة حيل
ليت ربي ماكتب لحظة وداع
ولافراق ولادموع ولاضياع
ليت كل الناس خل مع خليل
وكل ماقيل
النهاية بين الاحباب الرحيل
قلت احبه حيل
لو يوقف لحظة الفرح الزمان
والمكان عيونك انت احلى مكان
في يدي يديك والحاسد ذليل
وان غدت كل الاماني في يدي
ابتدي مع كل لحظة تبتدي
اعشق الدنيا مثل طير جميل
اه ياحلو الامل والذكريات
والسعادة ماتجي بالامنيات
صبحها يبطي وانا ليلي طويل
كل ماادفن خيالك ياعنيد
تمطر الدمعة وينبت من جديد
شفت وش سوى بي الحب الاصيل
شفت وش سوى بي حبك يابخيل
لونويت اعاتبك القى الكلام
يعتذر لي منك ويلوم الملام
والقى حتى كلمة احبك قليل
كنت اهدد بك همومي والارق
كنت انت النار وهمومي ورق
لين صرت اليوم همي المستحيل
ياللي طيفك يملي دايم مدمعي
قلي ليه وانت معي منت معي
لو تجاملني تسوي بي جميل
من يقول الحب بسمة ماتفوت
لو يحب يشوف كم مرة يموت
في الجفا وقبل الجفا وبعد الرحيل
قصيدة لاتلمس الجرح
لا تلمس الجرح يا معود وصبح عـزوم
الـبرد فـتـق ضلوعي وإنـت دوار صيـت
ضيعت عمري اطاول في حزومي رجوم
وايـست اباقول كل الشعر في شطر بيت
لا الوقت وقتي ولا حلومي تـطيع وتنـوم
ولا الركايب وحادي العيس ترضيه ليت
ذهايـب الذود راحـت مع ذواهـيـب قـوم
لا صار لك الف قـوماني فلك الف بيـت
ترى اصعب الموت موت يذبحك كل يوم
واصعب حياتك تعيش وانت جواك ميت
اواه يا طول عمري لا حسبـت الهمـوم
يا كـني اكبر من الـدنيـا ولا قــد شكيـت
عـلمك دهاني يا لاقي خير خـل العلـوم
اسرجت صفرا من همومي عليها حديت
واطـلقـت لـلـبيد راحلتـي وفـوق النجـوم
راسي وانا كل راسي تيه فخر و هميت
واقــول لـلـي يبـي كـرامتـي , لا تـهــوم
لا انته ولا الف مثلك يهدم اللـي بنيـت
قصيدة ذكرى الفراق
اليوم ذكرى الفراق ومرت أول سنـه
الـيوم لي عـام متغرب وحيـد وحزيـن
اليوم أنا ضيف جرحي جـيت باطمنـه
إني جمعت الدموع وجبت أمانة أميـن
ما يجرح الصادق إلا غدر مـن يامنـه
لا جت من أحباب قلبك لا تلوم السنين
مليت من هالأماني دام مهـي ممكنـه
لاهي تـحـقـق ولا ياسي بوجهـي يبيـن
لوين أنا وإنت مثل الشمس والأزمنـه
مع كل صبح يجـددني لشمسـك حـنيـن
لا قـلـت أحــبـك أحـبـك كـنـهـا دنـدنــه
أو كـنـهـا وردة مـابـيــن أصابـع جنيـن
يا أجمل الناس لك بـيـن الـمـلا هيمنـه
كـثـير غـيرك ولـكن مين مثلـك وويـن؟
يا عـاذلي خــذ عـيـونــي يـمـكـن تثمنـه
تشوف عيبه وأنا أشوفه ملاك حسيـن
أمس افترقنا وأنا أحسب مرت أول سنه
يـا طـولـها لـيـلـة الـفرقـا سنـة للحزيـن
قصيدة حـــــكاية شــــمس
كنـك مـلاك وطلـع تـوه
الله وش كـثـر مـحـلـوه
ماعاد بـه غيـرك حكايـه
جيتـي وكـل تـرك جـوه
الليل لـف ولمسهـا لمـس
بعيونك اغرب حكاية شمس
وانتي الـى الحيـن نسايـه
ضيعت باكر عشانك امـس
دايـم اقـرب وهـو يبعـد
وفي شفتك للشفـق موعـد
ويحـط لاحزانـي نهـايـة
من غيرك اللي قـدر يسعـد
ياللـي تحليـن اي لـبـاس
يغار من جيـدك الالمـاس
حـرام تعذيـب وكفـايـه
حني على الناس ياحلى الناس
والشمس تحضـر بميعـادك
مـن يقـدر يلـوم حسـادك
تغازلـك حتـى المـرايـه
( .... ) ياشمس والنـاس
بيضا وفيها سمـار الحـور
سمرا وفيها بيـاض النـور
مالـه بـدايـه ولا نهـايـة
من مثلك اللي جماله جـور
والكامـل بحـق وجـه الله
ياحلـوتـي كـامـلـه والله
ياللـي لكـل البشـر ايـه
من يشبهـك حلـوة الطلـه
قصيدة عــــيون الـــصغـــار
وجهك غضب .. وجهك عروس
يضوي مدى .. يحرق نفوس
تشبه لك الشمس الشموس
و ما لمحتك
سلام يا أحلى الأنام
دربي مثل عينك ظلام
و ما وصلتك
يا صوتها الرايح وجاي
مابين أشواقي وشقاي
تشبه لك الونّه و ناي
و ما سمعتك
حبيبتي والبوح نار
إنتي أنا بكل إختصار
تشبه لك عيون الصغار
و ما عشقتك
يا مهرتي البيضا الأصيل
تلعب و انا صبٍّ نحيل
تشبهك غابات النخيل
و ما سكنتك
يا غاية الحلم المحال
مثلك أنا حلمي الوصال
يشبهك في الشاعر خيال
و ما كتبتك