قصيدة الدموع
الدموع اللي أحبسها طوال السنين
كلها في ضحى ذا العيد نزلتها
والله إني جريح ووالله إني حزين
وليت حزني طبيعه كان بدّلتها
مير حزني من الصده وطول الحنين
وخيبة آمالي اللي فيك أملتها
ياموقف علاقتنا مابين وما بين
لاتراجعت منها ولاكملتها
كان مرخصني الله مايرخص ثمين
كان جافي زعل تراك طولتها
عايدوك المسيحيين والمسلمين
وانا روحي على معايدك علّلتها
ياحسافه على الرفقه وحب السنين
حتى كل عام وانت بخير ماقلتها
قصيدة من ضيقتي
انا لامني تضايقت واحزنت
من ضيقتي تحزن لحزني جماعه
لذا اكابر لاني ادركت وايقنت
اني حريق وخافيين اندلاعه
بك ياللهي عن عطا غيرك اعتنت
ياللي خلقت من الصناعه صناعه
لاضاق بي حالي توظيت واذنت
وصليت لك يارب سمعآ وطاعه
مدامني عبدك وبقادرك امنت
اكيد ابصبر لافقد لي طماعه
لايارفيقي ليت لازنت ماشنت
امرضتني وانا ماعندي مناعه
كنت احسبنك لاتبينت بينت
اثرك مع البشيعين تدرس بشاعه
قسيت بي وانا لقربك تهاونت
وكسبت ضيقت خاطري واتساعه
اللي على امال تزويجه ادمنت
اخذتها في قرب جد ولكاعه
ماوقف الدنيا بكبرها على بنت
اللي يوقفها الرفيق وضياعه
يابن العمومه لاتحسبوني شنت
لا والذي تصبح بذكره لذاعه
على العموم اشكرك جدا ولاهنت
اقنعتني في شي واصبح قناعه
من سخريه الاقدار اني انا وانت
يضمنا جد ونسمى جمــــــــــآعه
قصيدة ياحسافة
ياحسافه
اللي هاالدنيا بااهلها ماعليها اصلا حسافه
ياحسافه
ياشعور الشاعر وفكرة وقافه
ياصداعه ياشعافه
ياحسافه
يامجسم حلم متقوقع من ايام الخلافه
ياحسافه
ياابتسامات السخافه
ياثقافة جيل مايدري وش معنى الثقافه
ابتثقف شعر .. من بياع دكان الصرافه
اسف اني في زمنهم بس لحظة!! ماني منهم
يعني لو اوصفك في لحظة مثلهم لاتصدق
يافراشة نور .. والا اقولك .. بلاسخافه
بري حالي بري عود لفه اللاهوب واسفابه وطافه
ايه ابيك
وذبلت عيوني وهي تبكي عليك
ماابي دمعك ولاشمعك ولاحلم انك شريك
ابي بس اجيك قبل تروح واسلم عليك
جعل يسقى يومني لامن بغيت اجيك
اكلم واجيك
قلتلك صدقني انها
ياحسافه
لاكن اذكرني بدون ايه تفاصيل وكلافه
مستقيم دوّخ العالم بشعره وانحرافه
تكفى اذكرني وقل اسمي بتجريد ولطافه
كل ماتفتح شبابيكك
وتسقي الورود
وينتشرون عمال النظافة