منتديات جمانة فلسطين - عرض مشاركة واحدة - ديوان متنبي قبيلة عتيبه الشاعر ( بندر بن سرور )

اوسمتي · 06-28-2018, 02:56 PM

قصيدة ماني وأنا بندر ببياع دمه
يالله يا جال الأمور المهمة
تجلا وهج قلب برا حال راعية
البر دجته والبحر رحت يمه
يقطعك يا حظ على الله مساعيه
يوم أن ولد اللاش رزقه على أمه
رزقي على اللي ميت القشع يحييه
يامل قلب كل ما مات همه
دارت دواليب الدهر لين تحييه
فراق شمل الناس عيا يلمه
وقت يشيب الراس من شايه فيه
أحد ينام وحط راسه بكمه
واحد تخم النوم عينه وتخطيه
واحد يحاول بالردى بنت عمه
واحد يحاول ستر عذراء عوانيه
ماني وأنا بندر ببياع دمه
يقطعك يا بياع دمه ومهفيه
اللي يبيع لابسات الازمه
ثور يبا بيض الرعابيب تغنيه
يزعل ليا جت ليلة الدور يمه
يرضى بسوق المال فخوه وفابيه
خطو البخيل اللي يكبر معمه
يقرأ الكتاب وواجب الله يخليه
أمر هرج لك في رفيقه بنمه
والا عطا وأمه تضيع هقاويه
أنشدك ياللي كل فرض تتمه
تقرا الكتاب وكل فرض تصليه
ويش القليب اللي غميق مجمه
ما فاد غرسه ماه عطشى سوانيه
تخالف الانظار شرق ويمه
وكل هدف رايه من الناس مرضيه
سم السبب يا عارف عنه سمعه
سم السبب يا عارفة قبل اسميه
...........
قصيدة البارحه زل أكثر الليل واعي
البارحه زل أكثر الليل واعي
سهران واللي راقد(ن) مادريبي
أشري وأبيع بحسبتن ماتباعي
خطرآ من التفكير راسي يشيبي
تحسني كلمة خطاة الدناعي
اللي ينم بغيبتي وش يبيبي
يستر عيوبٍ ماسترها القناعي
مسترٍ عيبه ويحكي بعيبي
لو كان مازود علينا ذراعي
ولا قدمنا باج الطريق الصعيبي
مغير بين مفصلات الجزاعي
طول السنه عن عشقته مايغيبي
ان كان فالبندق معاشه قطاعي
والا أنثبر بين أمرته والقليبي
والا مشى بامر الحليله وأطاعي
يطيب له والا على غير طيبي
وان كثر مالك صرت رجل أجتماعي
لو كنت بالماضي تعصر الزبيبي
حطوك رجل وزودو فيه باعي
ناسٍ تعصر الضرع تبغى الحليبي
وان قل مالك جيت من غير داعي
تجلس بدون فراش كنك غريبي
أفواههم وسط المجالس وساعي
وأزين حصيلك قول كلمة يهيبي
في فية الجدران دايم مقاعي
مخطين درب الوارده والعزيبي
...................
قصيده هات الربابة
هات الربابة واحكر الشاي يالثور
انته حشرك ابليس وانا هواوي
مقيالنا في سدرة طورها طور
يسوى حياة اللاش كلب القهاوي
تبغى البلاد اللي يقولون بالزور
مركز رفض فيها ثمانيت واوي
غير البحر والخور نامس وصرصور
وكلاب تحوف جلودها والضراوي
من زين سوقك عاد عدك بطابور
كنك احبيليص البعير العطاوي
تهز راسك كنك القهوجي نور
اللي على بيبان بيته ايعاوي
ساع استوى المقيال يا مقيل القور
في ضل هاك الزرب وين انت غاوي
طارالنسيم بغترتي والهوى دور
يسرح شمال وجاء من الغرب ضاوي
وخله يقف من عقب ماجاه من الجور
يامطرد الضبان وانته عماوي

عاشق الذكريات ,انثى مختلفة معجبون بهذا