منتديات جمانة فلسطين - عرض مشاركة واحدة - روائع الشعر النبطي لمهندس الكلمة الامير ( بدر بن عبد المحسن )

اوسمتي · 08-04-2017, 07:22 AM

زلة المحبوب
يا زين للعاشقين ذنوب
كثير واللي يحب يغفر
بالحيل طول الزعل عذروب
إلى متى الكسر ما يجبر
با أخطي .. وأعيد الخطا وأتوب
والصاحب .. اللي علي يصبر
وإن ما دمح زلتك محبوب
ما أظن من يكرهك .. يعذر
الاختيار
ودي اختار.. الليله درب ..
ما تعرفه ..
ودي اجلس في مكان ..
ما يذكرني بصدفه ..
أو وعد ..
ودي أحكي يا حبيبي .. مع احد ..
غيرك احد ..
لجل النهار .. وحريتي ..
اعطيني .. لحظة اختيار ..
وحدي وغديت أنت الزحام ..
وحدي أبد .. وانت الكلام ..
نورك وما غيره .. ظلام ..
عذب الحروف .. طاغي الطيوف ..
أبعد عن عيوني .. بااشوف ..
لجل النهار .. وحريتي ..
اعطيني .. لحظة اختيار ..
ابي درب .. مايوصلني لدارك ..
ابي وعد .. ماحتمل فيه انتظارك ..
وابي ليل .. مايجي بعده نهارك ..
ودي ادري .. هي حياتي ..
اختياري .. أو اختيارك ..
ودي انسى .. ليله وعدك .. أنسى وعدك .. ماأجيك ..
وش يضرك .. لواخونك .. مره واختارك عليك
احبابك سروا
مابه أحد غيري يابنت أحبابك سـروا
لاتسأليني تغيروا يمكن نسوا أو مادروا
ياحلوتي ضاع الوعد وباكر بعد
مري على دروب الجراح
وتلقين أحد غيري
بالله لاتبكين عندي
ولا رحتي سوي اللي تبين
مالك عزا فقلبي الحزين
محتار أنا اسكت ومدري إيش اقول
لاني سبب جرحك ولا عندي الحلول
لكن أبوصيك بصبرلابد للغايب عذر
ياحلوتي ضاع الوعد وباكر بعد
مري على دروب الجراح
وتلقين أحد غيري
غطي سنا خدك بشال الليل
وغيبي ياشمس ياللي ضيها لغيري
اه لوعرفتي وش كثر أنا أحبك
لو كنتِ تدري بي
ياعيونها السود
مابه أحد موجود
غيري أنا الموعود
جرحي وتعذيبي
ياحلوتي ضاع الوعد وباكر بعد
مري على دروب الجراح
وتلقين أحد غيري
اه يا لجراح
لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أبـ ارضى الصلح ..
صار الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها ..
اجمل حزن
يا اجمل الحزن .. لدموعك سلام
من حبيبٍ ... بقى منه الكلام
وين انا منك .. غربني الزمان
وخانني النور ... وابعدني الظلام
لو بعزيك ... سالت دمعتي تدري
الدمع في حبك ... حرام
لو بواسيك ... مايكفي الهوى
ولو أبي ... عذر مايكفي الغرام
أعطنى من عذابك يا البعيد
صرخةٍ ... تجعل ظلوعي حطام
آه ...لو في يدي أبكي معاك
قطرةٍ مادرى عنها الغمام
ماابخل الوقت ... يحرمني البكا
وانت لجلك حرمني الإبتسام
يا اطهر الحزن ... لو كان القصيد
يكشف الغم عن بدر التمام
لكتب الشمس شعرٍ في سناك
وامحي إمن السما...عج وكتام
ياعسي البدر نوره مايغيب
عن حبيبٍ بقي منه الكلام