على كثر ما خان هالوقت بالغير
على كثر ماهو معي صار وافي

رضيت في حكمة قضائة وش يصير
جعلتها خيره وجتني عوافي

والحكمة الي واجهتني بتقدير
حمدت ربي بعدها في الخوافي

أخذتها عبره وصارت مقادير
هي الرحاه ودورت للمطافي

دارة عليه واظهرت لي طوابير
وسقت القدم فيها وسقت القوافي

اقول فيها قول مافيه تزوير
يقولها الي عاش فيها وشافي

شفت النجوم تحوم مثل القناطير
شوف العيون بجو بالحيل صافي

ثم حولت قدمي على جمة البير
تشبه طيور الجو لاكن خفافي

في عيني الي مالقت أي تعبير
والنور في عيني له أيام طافي

لفت وصفت مالها نيه تطير
في دربي الي كنت ماشيه حافي

كانت بدايه رزقي وأول الخير
كنز ثمين من طمع م يخافي

منها دفنت الفقر وعلنت بالسير
وفي نفسي اول شي دينن خلافي

بسد كل إلي خذيته وابا أشير
وبحط لوحه لافته ماتطافي

مكتوب فيها من بدأ فيه تقصير
ويبغى سعد عينه بمآ كان لافي

يتبع طريق السهم هذا بتقطير
ويعجل ترا كل شي جاهز ووافي.

أخذت مده ثم جوني بتحرير
معروض مدري عقد لي احترافي

واغواني الشيطان بين المعاصير
وشفت الحياه بلون جدا خرافي

وسجيت معهم بالمدن واالمسايير
والمال يظهر لك نفوس الضعافي

باعوو معزتهم برخص الدنانير
أثر الستر لرجل بالحيل ضافي

ارخصت مايغلا بكثر المخاسير
لعيونهم من دون أي اعترافي

لاكنهم عيو وقالو لي اكثير
وصرنا على زود السلع باختلافي

قالو ترا حنا نبي عملة غير
وكانو كتابه زينته في الغلافئ

وعطيت من قل الكلافه معايير
شي يجوز بعينهم كان كافي

وكرهت نفسي منهم والدوااوير
وحددت لي موعد معاهم يشافي

لل المملكه في دار عز الاساطير
الي لهم بالمجد رمز يضافي

وفي الحارثيه فكني في المغاتير
اول مقابلنا دموعي ذرافي

ذود لها بالقلب خشره وتخشير
متقاسم رزقي معاهن ولافي

هذي بدايه حلمي الي به اعصير
نمت وصحيت وأثرها بي عوافي

أحلام منسية معجب بهذا