قصيـــــــــدة فيلسوف
شاعر وفذ أو فيلسوف أو مفــــــــــكر
وشريحتي فالمجتمععن شرايــــــــح
من دلة أهجوس الحثاله مشـــــــــكر
ولالالا أشرب الالالا نادرات القرايح
صادق مع أهل الصادقه وأمتنكر
للعالم اللي معرفتهـــــــــم فضايـــــــــــح
بانيلهم فالقـــــــــــلب بابن مسكـــــــــر
حواجزه توه وفوقـــــــــــــــــه لوايــــــــــــح
وأحب من وسمه على القلب بكر
من 95 وأولــــــــه طايـــــــــــــــــــح
سكاته أمن المروأحكاه سكر
وأرضاهتحريضه وضيقه نصايح
اللي ليا قفاوبـــــــــــــــــالي تعــــــــكر
يصيحله بين المعاليق صايح
أضيق من غيبته لين اتذكـــــــر
أنه ليامن راح فالعمــــــــــر رايح
قصيدة الأذكياء
إن كنـت أنا أخطي شيء طبيعي
لان أنا ماني نبـي
محدن عصمه الله من الاخطــاء
كود الأنبياء
فعلا أنا أخطي بس ضوّي ما تشب
الاّ أحطبي
أطمح ولولا الليل محدن شاف
فايدة الضياء
أمشي ولو أموت وأنا أمشي
ولكن ما حبي
ولا أعشق الصورة ولا الكربون
ولا أعشق غيا
كل ماتعثّر ؟
قلت في نفسي وأنا أمس شنبي
يـاكم على الدنيا فقير .. ويحسدونه أثـريـا
أبغا أتوحّد وأنت أخذ مزهبك وأترك مزهبي
كنّا أخويا ومن بعد مازلّليت ؟ ماحن بخويـا
أبعصم رجيـلي عن دروب السخافه ياصبي
لانّي حياوي والدروب السود مافيها حيا
تعال وادعني وداع الارض للحر الابي
أنا بعللّي وأن دعيتك ؟ فالعفو للأنقيا
ماني منادي بسمك اللّي ماتسموااه أجنبي
فن قلتلك يا ؟
أعرف أنّي حاشمك لاقلت
يا يـا؟؟.. والله وبالله وبعد الله وبي وبسببي
صارت شياطين الحروف المستهيمه ..؟ أتقيـا
فن شفتني متعب هجوسي في رسم راس الضبي؟
ما هو علشان أكسب أعجابات ريمان وهيـا
لالا . أنا مخلوق مبدع . مايحب ومايبي
ألاّ يقول : الأذكياء؟ سبّة . رسوب الأغبياء
من الذكاء: أنّك تسويّ نفسك أحياناً غبي
بس الغباء: أنّك تذيكالك على ناس أذكـيا
قصيدة مدري
تضيق نفسي لين يشره على قلبي فمي
وأنا أترجـّا فمنيات الحلول المزمعه
لا يا بن أبوي شلون محتر واطغي واحتمي
والوقت لامنّه زما راس حظّي يقمعه
أن جيتها فـ الاصدقا؟ أوووف يافورة دمي
كم واحدٍ خـلاّ جميلي على راس أشمعـه
مانيب متحسّف جعـل مال جافيني سمي
لان أدري المحراب ماهوب مثل الصومعه
تـتغثبر الدنيـا ولحظة.. صفوّ الأدمـي
اليا سجد لله وسقّت دموعـه مدمـعه
وأنا أدمعـت عيني وما اكميه عاده منكمي
بين أنتظام عروق قلبي مسوّي معممعه
يـاوجد حالي وأنكساري وغيبي وعدمـي
وجود من جمـّع حلاله وضاع اللي أجمعـه
المشكله.؟ ماهيب نفسي وزلاّت قدمي
وماهيب بحّة صوت أحبــّه ولاعاد أسمعه
المشكله؟ لاجات من بين دمّي والحمي
مدري من أخلي ولا أدري من اوقـّف معه
قصيدة العــــقل
لاتقيس الدّين بالعقـــــــل ياعقـــــــــــــلي
ونام فيه غيبيّات أأمن بها بلا . مقوت
لان أيمانك بها يعني أنّك في ســــــــــــلام
من غضب ربّي وسخطه وتخريب البيوت
لاتفكّر في مسائل نتايجها .. أثــــــــــــــــام
يكفي أن الوقت ملبسني من الأثم كوت
أأثمٍ بس آآعرف ويش تالية الغــــــــــرام
بين شيخان العقيده وشيخان البشوت
تالية حب الطرفين ؟ ضيعه وأنقســـــــــــام
تنعكس.. على من ايدوّر لـمضناه .. قوت
السكوت؟ أيزين لاصار من حولك كــــــــلام
بس ماهو زين لاصار من حولك . سكوت
ويش أقول؟ أقول يالله جعلهم للعـــــــــدام؟
لا .. بقول .. أنا أتمنّى قبل عمري يفوت
ودّي أنّي ماتعـــــــــــــدّاك يالبيت الحـــــــــرام
وودّي أن آآعيش فيك العمر كلّه وأموت
الله أكبر لا أذّن المذّن وكبّر الامـــــــــــام
وأصبحو زاكين الانفاس من خلفه صنوت
وابتدا ايرتّــــل ونظّـــــم بترتيلـــــه زحـــــــــــــام
وأنتهى من ركعته وأبتدا .. يدعو .. قنوت
الله الله الله الله .. على شعور الوئـــــــام
جعل صوت أبن سبيّل بعد مليون صوت
يجعل بيوت الشياطين في عقلي حطام
كن صوته ينتشلني معه من بطن حوت
لاسمعته؟ يصغر الكون فعيوني وأنام
وأمن أنّي مؤمن أبما يقول ابلا مقوت
قصيدة الانتظار
ما على الدّنيا حسافه ولا جرح وعوار
مهما كافحنا نبي نعيش بنموت افالاخير
بس قبل الموت والحزن وانواع الحصار
ودّي اتخلّص من جروح تأنيب الضّمير
( ماجد ) !! شلونك ؟ وش اخبارك ؟ أربّك ابخار
؟وان سألت : أنا شلوني ؟ أنا ماني بخير
من ثلاث شهور وأنا أتعرّض لانصهار
أتكتّل جمر .... لين أتبعثر زمهرير
علّم ( أبو محمّد ) سلالة طوال العمار
علم مايدري بعلمه عمر ولا عمير
قل له إنّي بين فقد الأمل والانتظار
حالتي حاله ومتضايق ووضعي خطير
وقل له إنّي يوم جيته ترى مالي خيار
وما قتل ( زهير ) إلاّ ( بنو خالة زهير ) ..!
وقل له إنّي جيت متردّد وضايع قرار
وصغّرتني حاجتي .. والاّ أنا ماني صغير
وقل له إن بعده يعادل ثمانين انكسار
وقل له إنّه غير والله ... والشّيخان غير
وقل له إنّ الطّيّب اللّي سواتي ما يضار
وقل له إن الطّيب لاهو يضار ولا يضير
وقل له إن الليل لابد تاليته نهار
والشّهيق أكيد بيصير من عقبه زفير
وقل له إنّي مابي ألاّ رضاه وباختصار
وقل له ايركّز على قراية البيت الأخير
الكبير تجي جروحه من احبابه كبار
ليت ربّي ما خلقني بأحاسيسي كبير