منتديات جمانة فلسطين - عرض مشاركة واحدة

09-11-2017, 12:06 AM

الجموح

لعملك والزمان اللي رماني لك يعلمني
اعز النفس وبصبر الشموخ بدمي ارويها

حسبتك من جروح الوقت والايام ترفعني
وتحط روحي على كفيك في عز وتداريها

حسبتك راس اكيد الراس للامجاد ياخذني
ولا فكرت مثلك للوطى عيونه يمشيها

تبي ذلي تهبى لانت ولا هالوقت يذللني
عيونك للوطى وعيني على القمرا اضريها

صحيح الشوق لأرواق الرصيف المر يدفعني
وتفاصيل الحنين هناك في بالي اناديها

ولكن توصل لنشوة غرورك ماتقدرني
تحسب اني ارد باشواق عمري لك واهديها

غريبه كنت احسب انك مع الايام تعرفني
مع انك تدري اني لابغيت اعميها(ن) اعميها

صحيح احساسي ضيعني وطيبي حيل بهذلني
ومعك لا ينفع الاحساس والطيبه ومعانيها

واذا في يوم اشواقي تبي عندك توصلني
ومن كفوف الوله تاخذ يديني لك توديها

يمين الله ولا لك غير يمين الله تحلفني
اذا نفسي توصلني لمثلك والله لأفنيها

انثى مختلفة ,ليلى الحاج معجبون بهذا