07-17-2018, 02:57 PM
|
|
|
الشاعر أحمد الردعان
بسم الله الرحمن الرحيم
الشاعر أحمد الردعان
نبذة عن الشاعر
هو أحمد عبدالله مبارك الردعان ، شاعر كويتي من مواليد 1992
كان اول ظهور إعلامي له على منصة امسيات هلا فبراير لعام ظ¢ظ*ظ،ظ¥
أعماله
ألف كتاب بعنوان " هذا أنا " وله 26 قصيدة :
اهي خلت بنات
الطاولة
تعيش الرخوم
ليلة زفاف
دبلة زواج
مريم
احبك أخر أخباري
يا ليل لندن
قارئ الفنجان
صاحبي
ستار بكس
موعد لقى
بنت الشوارع
وانا معك ؟
يا مجتمع
يا من هواه اعزه واذلني
نص دينك
إلى سمو الاميرة من غير تحية
يسأل عن أخباري
سطح علاقتك عشان ترتاح
عينك عن عيون الناس تكفيني
شكسبير
الطيب ماله قبيلة
قهوة الصبح
خاطر طفل
رخص البضايع
بعض قصائده
تعيش الرخوم
تعيش الرخوم ابذل ، ولا الحرار احرار
تموت بشرف من قبْل .. تخضع لعاديها
لإن مايزيّن قبْح صوره .. حلا الايطار
مظاهر الاوادم .. ما تبيّن خوافيها
يقولون تتساوى النسا .. لانطفت الانوار
واقول الرجال تْبين .. باسود لياليها
رجالٍ تجمعها .. غوا طاولات اقمار
ورجالٍ تجمعها شهامة .. مباديها
وانا من رجالٍ في بنوك الشرف تجار
ولو انْ بنوك جْنيف تجهل باساميها
رفيقي شجاعٍ لا تمادى الزمان ودار
وقف وقفة أنصار النبي قدم اعاديها
احب الكرام اللي مهي تحشم الدينار
لغير الهواتف ما تفصّل .. مخابيها
واعاف الردايا .. لو ولد عم ولا جار
علي واجب اتوضى عقب لمس اياديها
الا ليت به سنسر لكشف الردى .. والعار
واجنب وجيه الشئم من قبل .. اخاويها
دروس الكرامه يختصرها ( عمر مختار )
دروب العمر عيبٍ .. بلا عز نسريها
فان لم اكن ( راس الهرم ) تالي المشوار
فبئس الطرق تلك التي كنت .. ماشيها
ولا تصير جنّه .. صير للناس مثل النار
تعزْ مستجير ، وتحرق اقدام واطيها
تواضع .. وتلقى في قلوب البشر مقدار
تكبّر .. وتلقى منزلك في مواطيها
ليا حاربوا ما انجزته الناس .. لا تحتار
تجاهلْك فنٍ .. كم يحبّط مساعيها
تقدّم وحيدٍ مثل ممشى ( الأسد ) لا سار
وخل ( الغنم ) بجموع تتبع مراعيها
الى اخر الموضوع من دون طول اعذار
خلاصة بيوتٍ تدهش .. اسماع موحيها
انا مابغيت مْن الزمن .. درهم ودينار
ابي سمعةٍ تفخر ربوعي .. بطاريها
***
صاحبي
اه من ضيقٍ عن العالم .. خفا
عاجزه تقفي به إجزال الحروف
من طلوع الشمس لي نجمي غفا
وضيقتي مابين ضلعاني تطوف
ليلةٍ ماهي براد ،، ولا دفا
ماخذه من هذي وهذي .. وصوف
موتري روّح على دار الوفا
دار ربعٍ صيتهم مجْد امعروف
عند منهو لو جفيته ماجفا
عند ابو راشد سعدْ عين الضعوف
كنت اظن أصحابي لْجرحي شفا
وانّ بعْض الظنّ خذلان وزيوف
صاحبٍ يفزع قبل يسمع ب افا
وصاحبٍ ما كنّ له عينٍ تشوف
ودايم اللي لاطعن .. يطعن قفا
نفسه اللي كان ابد مامنْه .. خوف
خافقٍ لا زلّوا احبابه .. عفا
ليت ماهو للعفو دايم شغوف !!
صاحبي وان ضاقت الدنيا ؟ لفى
ماتعذّر بالليالي ، والظروف !
واحدٍ لكن عن الدنيا .. كفا
لاحضر يغني عن اجموع ، وصفوف
سيف حربٍ يختصر .. كل الوفا
ماهو لْ عرضه مثل باقي السيوف !
***
موعد لقى
جيتلك هالك .. على اعتاب اللقى
خل شتى الاحساس باحضانك ( يميع )
من يقول الحب .. ثلثينه شقا ؟
من عرفتك قلبي عايش .. في ربيع
مابقى عقبك حبايب ، واصدقا
صرت بعيوني عن العالم .. جميع
اجهر بحبك على .. وضح النقا
قدم عين اللي يشوفونه .. شنيع
لاكتبتك شعر ، شعري بك رقا
كيف لاشافوا هالاعجاز الفضيع ؟
يسّتمد الكون منّك .. مشرقا
يغتني من حسنك الطاهر جويع
مابقى عرقٍ بقلبي .. ما اسرقا
لا لفاني بلهفة ( الطفل الوديع )
خلّني وياك ، وانسى مابقى
الشهر قربك بلحظاتٍ .. يضيع
تِخجل الساعه .. مواعيد اللقى
واصبحت تمشي على قلبك .. سريع !
***
سطح علاقاتك عشان ترتاح
مو شرط تصبح كل الأوقات .. لمّاح
ترى التغابي .. من فنون الذهانه
واكرم ، ولا تحسب مخاسير وارباح
غير الكفن محدن خذا .. من زمانه
ولابد وقت اتفارق الروح الارواح
وكلن حسب فعله .. يحدد بشانه
يوماً يفرُ المرء من هول ما لاح
عساي من عقب اللحد في جنانه
والعقْل هو منجاتك بْكل مرواح
مابه نجاح .. الا وراه الرزانه
والحب لبواب الملذات مفتاح
يعيشها منهو وفا له ، وصانه
بس البشر بقلوبها سم وارماح
تتقن بكل اخلاص دور الخيانه
نبدأ نحس بقيمة الحب .. لا راح
ويومه بيادينا .. نكرنا حنانه !!
***
الطيب ما له قبيلة
ياهيه .. دورات الليالي طويله
وتشوف فيها ناس .. مختلف الاجناس
اسمعني .. ياراع الفعول الجزيله
اخذ النصيحه حطّها بين الاقواس
خلّ المهايط للنفوس الذليله
ثوب الكِبر .. ماهو للاجواد ملّباس
اللي تواضع .. فالمعالي حصيله
واللي يدوس الناس لابد .. ينداس
اكليب .. لو كل العرب تنحنيله
صارت نهاياته على رمح .. جسّاس
يقطع لسانٍ .. ناطقٍ ( بالرذيله )
يحشم لسانٍ كل كلامه .. بمقياس
لو الفخر عز ؟ الصراحه فضيله
والصدق بعيون الرياجيل .. نوماس
اتقدّر الطيب .. الرجّال الاصيله
وترفع مِقام الخايب .. الناس الانجاس
والطيب بين الناس .. ماله قبيلة
قسّمه يقسّمها الولي بين هالناس
ياكم ولد شيخٍ .. يجيب الفشيله
وياكم رديٍ له .. ولد يرفع الراس !!
***
قهوة الصبح
ياقهوة الصبح .. مايغريني فنجالك
عقب غياب الحبيب اللي .. تمنيته
تفوح ريح الغلا .. لافاحت ادلالك
واذوق مُر الجفا لامن .. تقهويته
يالحب الاول تعبت .. اخايل اطلالك
رابع شهر ، والجفا لا ماتعديته
من يوم صوب الموادع .. شدّت ارحالك
والشوق ينشاف في عيني .. لو اخفيته
كنت الامان .. اللي لامن ضاقت الجى لك
واصبحت جرحٍ سكنت القلب ، وادميته
ملّ الصبر من كثر صبري .. بغربالك
جرحت .. قلب الحزن من حزني وابكيته
قلبن تربعت وسط عروشه .. لحالك
على ضِفاف الهلاك .. اشلون خليته ؟
لسان حالي يقول الحب .. في بالك
ولسان الأيام قال : انك تناسيته
ياشينها .. لا بنيت لباجر آمالك
ولا حل باجر هدم كلما .. تحريته
واللي بقى بيننا .. مامات باهمالك
طاري محبتكْ ، وعطرٍ حقي اهديته
لاشتقت لعيونك .. وحنّيت لوصالك
رشيت عطرك على كفي ، وشميته !!
ردعانيات
المحبه مثلها مثل .. الزجاج
لانكسر لايمكن ل اصله .. يعود !
***
على كل الجمال اشوفك .. الاجمل
ولا غيرك بشر تسجد له اشعاري
عن اخباري ؟ حبيب العمْر .. لا تسال
احبك هي ترى اول ، وآخر اخباري !
***
اخاف ربي فيه ، واعشقْه ، وأغار
واعاف وقتٍ عشت .. محروم منه
من كثر ما اخشى تلمسه صالي النار
ودي أصلي الفرض .. عني وعنه
***
لو ندري وش تخفي صدور الرفاقه
كان التصافح بيننا .. بالسواطير
***
من قائلا ان الممات .. مرةً ؟
كم مرهٍ في حُسنكا ... قتلتني
علمتني كيف الهوى ، واتقنته
وعلمتك اسرار البحر .. واغرقتني
لن يستطيع القلب نسيان الهوى
لين الكفن بامر الولي .. يلمني
***
مدام اني لقيت العمْر في عينك
بلا عينك حبيب العمْر .. كيف اعيش ؟
***
على قلبي تطمن .. لا تخاف الناس
عيونك عن عيون الناس .. تكفيني
***
وش يفيد العذْر .. من عقب انكساري
العزا ؟ ما رد ميّت .. للحياة !!
***
مابي محبتنا .. بشكل اعتيادي
نزوة ليال ، او بضْعة سْنين .. وتفوت
ابي احبك .. بجنون ، وتمادي
من اول العشرين لي سكرة الموت !
***
اشتاق لك شي .. واجي شي ثاني
شموخي ابدى لو بدأ الشوق وهاج
احتاج لك ؟ لا تنتظرها بلساني
صعبه على مثلي .. يقول انْه محتاج
 
إمبراطورة البحر
|
|