لاتحاول ذبلت أزهار و ورود
الوفا اللي ضاع مني وبيديك
و الشعور التايه بقلب الوجود
ما بقى له بالحشى شيٍ يبيك
انتهى حبك و عشقك و ببرود
انقضت عشرة عمر ما عاد ابيك
و الشعور اللي نزفته نغْم عود
قِلّهِ يعوّد على دربه عليك
وشو عقبه ترتجي مني وعود
وشو عقبه تحتري قلبي يجيك
اضطرابك بين موتك والخلود
هالمشاعر باينه منك إليك
كومة أزهاري و عطّرها الجحود
اكتوت بالنار يا حسبي عليك
مالك إلا ترجي فرقاي بصدود
يا فقير الحب أثبت ما لديك
شوف حالك ذوق ويلات الشرود
كل مافي الكون بلوى تشتهيك
و اعرف ان الصبر دايم له حدود
و الصبر أنكر وجودك ما يعيك
واخر الأبيات قفّل هالردود
بنكرك و ابعد ودوّر لك شريك

بقلم : واثـــق الخطوة

إمبراطورة البحر ,رآنيا معجبون بهذا