أحلى مافيك الزعل..
.وأحلى مافيني السماح ...
ومسامحك ...!!
وحتى لو تخطي بعد ..
. بـ اسامحك
ومسامحك..
.يا الله عاد إضحك ... خلاص ...
وربي ما فيني بعد ...!!
الله ...تجنن ضحكتك... فديتها
يا الله سولف وانا خل اسمعك
تدري وش ودي اسوي ...؟!
ودي وربي انااااام
اقول لك شيء... ولا تزعل علي...؟!
لي ثلاث ايام في جوف السهر ...
مانامت عيوني لو دقيقة ...
بس اسولف بك لحالي...
واهذي بك
واحتريك
واشتكي منك عليك...!!
وفي لحظة ... تحملت ... وقويت
تدري وش سويت ...؟!
كنت في لحظة بغيت ادعي عليك ...!!
إي كنت ...!
قلت
"ياربي...
ياربي...
ياربي....!! "
وسكت ...
وانتبهت لدمعة عيوني جمر ...
ونبض قلبي ماقوى...
وارتعش كفي يبيك
قلت
" ياربي...
ياربي...
ياربي عليك ...!!
حتى لو تجفى ... ولو تخطى ... ولو تزعل ...
أنا راضي عليك ...!!"
شفت وش سويت ...؟!
كنت ابا اتهور ... وادعي عليك ...!!
لعن ابو جد الهوى ... اثره عذاب ...
كنت اتمنى اقول مرة في عمري " أحبك ...!"
وبلفعل صارت
وصار يوم وقلتها
وليتني ياليتني ماقلتها
اثرها موت ... وحياة ...!!
يااااااه ... !!
يا حلو العشق...!!
نار ...
ثلج ...
وصيف في جوف الشتاء ...
وإبتسامات ... ودموع ...
وقطعة من ليل ... ووظلام ...
وإبتسامة شمس بعيون العسل ...
وإحتراق في سواليف الفراق ...
وآخرها عرفت إن الهوى سر ...
وإن الجفى حظ ... وقهر ...
وانتهيت ...
وتوني باول سواليف الوصل ما قد بديت
ودي اصرخ لين يسمعني القمر
ودي اهدي لك عمر
ودي انطق لك كلام ذاب في قلبي وشاب
وما قوى يظهر على شفاهي لاحد ...!!
بس تدري...؟!
وربي ... رغم الجفى
ورغم العذاب
ورغم اللي اسميه في قلبي خيانات وغدر
إلا إني احبك
واحبك بعد
وافرح إذا طاحت دموعي من غلا عينك
يا ويلك من الله
احبك ... واعترف لك
وافتخر في عشقي لك
واجاهر في هواك
مو عيب احبك
العيب اخالف واقعي واكذب على نفسي
واكسر احاسيسي
واقول إني ما احبك ...!!
لا فديتك
مو محتاج انا كل هالعذاب ...!!
وربي لا يحرمني منك ...
ولو قضى عمري جفاء ... بـ احتريك
ولو قضى عمرك زعل ... راضي عليك