منتديات جمانة فلسطين - عرض مشاركة واحدة - ديوان متنبي قبيلة عتيبه الشاعر ( بندر بن سرور )

اوسمتي · 06-28-2018, 08:54 PM

قصيدة يوم جرى لي
يوم جرى لي بالبسيطا تواعيس
بالسهله اللي مثل لبة منيره
عيا حلال القوم لايشتغل ريس
والماء خلص والموت قدم وزيره
في سهلة فيها المنايا متاريس
يبدي بها المشحوف مافي ضميره
ماني وانا بندر بهيس ولد هيس
هيس ايدنع عند حرمة قصيره
اليا بغيت اجلس ترى لي مجاليس
واليا بغيت انهج دروبي عسيره
..............
قصيدة الله على اللي يوم يفتل عموده
الله على اللي يوم يفتل عموده
يطلع ثرى ارض بعد القيض ماها
اليااونس ثقيل الترس يرخي عضوده
شيهانة ترخي المتون العشاها
عده على اللي ما يدرهم قعوده
من صار زيزوم المشاكل حماها
هم قل لابن دهره ايحضر شهود
للرفقه اللي باعها ماشراها
وقت ركض كلبه ونامت فهود
مما تشوف العين طول عماها
المال سالم والوجيه امعقوده
برق أتيوس اللي تواما ( * * )
راعي صلاة الفرض بين سجوده
وراعي غرابيل النمايم لقاها
..............
قصيدة بلاد الشام
من بلاد الشام جينا بالمكينه
فوق فرت ماتخثع بالطماني
يحتدي مثل الجمل تسمع رطينه
مع طمان القاع مثل الثعلباني
والشفير من المدارس مطلعينه
عيدهي يجدعه جدع الحصاني
قذلة الطربوش ناطلها يمينه
عن ظلام الليل شب الكهرباني
ماتجيه يسار رجله شوف عينه
غير يسر الطاركي باليماني
يوم قال له الخوي عاشت يمينه
شد رجله للكمك واحد وثاني
يالله انك تنصره من نصر دينه
ان عطى له مع غبا والا بياني
قلت يالمطنوخ انا عيني حزينه
عن شراب اللف ابيه وعنك كاني
قد رمى بالكيس قدمي قال وينه
دوك مابالجيب عن شي لهاني
يقصد الكبريت معي منه عينه
قد منا تلت غراميل متاني
قلت ثالث قال يالله لاتهينه
قلت خامس قال قير يطلب نقل ثاني
قالت واحد والكمك ظام المكينه
قال لي من يرحم القاسي لياني
قلت والله يرحمونه صانعينه
قد زعلت من اللهيب اللي غشاني
قال ماتاثق بذمه مقننينه
عن مشاور غير عرفي قد كفاني
قاطع عرقين مدري وين وينه
قد وصلت الأرض واسمع صوت ثاني
يوم يرفع موخره قو المكينه
يرتخي صدره وانا الشاور غشاني
قلت دوك اللف خابو شاربينه
غطني عن شوف شي قد غشاني
قال عن وقلت بأيا لحينه
قال قل ناسي خوي مانساني
قلت عاش الشيخ واللي ناجبينه
عادة الطيب اليا جا الجد عاني

عاشق الذكريات ,انثى مختلفة معجبون بهذا