#1
|
|||||||||||||
|
|||||||||||||
الإم أكبر من الدني...
بعدني لليوم كل ما روح عبيت أهلي... بفتح البراد أول شي... وبفتح غطا الطنجرة تاني شي...
ومع كل فتحة بيِجي عبالي قصص وخبار... بيجي عبالي لما أوصل عالغدا... وكانت الايام ضيقة... والطبخة بتكفينا عالقد... -ماما ليه ما عم تاكلي معنا؟ -أنا أكلت قبل ما تجو يا إمي... وبس نخلص الأكل... كانت تحمل الخبزة وتاكل معنا "آخر لقمة"... ونروح عمحل التياب قبل العيد... حاملة معها المصريات... -يلا يا إمي شوفو شو حابين تختارو لون التياب الجداد... وياما وياما... إنتبه إنو لون تيابا ما تغير من سنة لسنة... ويجي وقت عيد ميلادي او نجاحي بالتقديم... وتجبلي هدية حرزانة وإسألها كيف؟؟... وإكتشف إنو يلّي كان لازم يكون هديتها إلا... تخبّيون عجنب... لتجبلي الهدية... وخبار خبار بتعملّي غصة مع كل عيد وعيدية... ما تسألوني شو الإم... ومين الإم... في بيوت بعدا الطناجر فيها مليانة... وبعدا الإم... وبعدا الأحاسيس أكبر من هالدني... وفي بيوت... فضيِت فيها المطارح... ويرحم تراب كل إم انتقلت لهيديك الدني... لأ... ما تقولولي الدني إم... الدني مش إم... الإم أكبر من الدني... منقول 👌
|
05-15-2023, 06:34 PM | #2 |
|
لأ... ما تقولولي الدني إم... الدني مش إم... الإم أكبر من الدني...
اه والله الله يرحم امهاتنا ياا رب بجنن الموضوع هدوء يسلمو حبيبتي |
|
|
|