بعض الصداقة

فكرت في الواقع على محملّ الجدّ
والصدر فيه من العباد إنخناقه

أسأل ولا ألقى في جواب البشر ردّ
الصدق كلٍ عنه سكّر رواقه

المسالة يبغالها يا عرب حدّ
بعض الصداقة ما عليها شفاقة

غديت أنا وطباعها في الزمن ضدّ
غريب مملك في زمنها بطاقة

أجيلها بالجد وتصير لي ندّ
وأنا مرعف المكيدة واللباقة

لكن يا صاحب على هرجتي لدّ
ترا العسل ما عاد يغري مذاقه

يا قل في هذا الزمن صادق الودّ
مبداه صدق وحافظٍ للصداقة

مهوب راعي حاجةٍ لا خلص صدّ
المصلحة عنده وسيلة علاقة

لا حافظٍ رفقه ولا حافظٍ سدّ
ماله على كسب المعاريف طاقه

هذا كلام الجد يا مدور الجدّ
قول العقل مهوب قولٍ حماقه

.
سعد الشقحاء

كلمات جميلة
يعطيك العافية ع الادراج
ما ننحرم

كلمآت جميله كروحكك
عوافي

سلمت الايادي

ما ننحرم من فيض عطائك وإبداعك
لك تحياتي وفائق شكري