زمان كنا نسمع صوت الخبط ع الباب في وقت القيلولة ف نقوم كلنا نجري ع الباب عشان نفتح نلاقي ضيوف جايلنا خال أو عم أو الجدة او العمة المهم نطير من الفرحة ونبدأ بالسلام والاحضان والضيف كان بيبان عليه التعب والارهاق لأنه خارج من بدري وجي مشي على رجليه او جي من مكان بعيد المهم انه تعب عشان صلة الرحم عشان بيحبنا وعايز يودنا من غير اي مصلحة ومن غير حتى مايتصل عشان يقولنا انه جي واحنا بنبقى فرحانين وطايرين من الفرحة انه جيه ونضايفه بالخير الموجود ف البيت بدون تكلفه او شعور بالاحراج♥
الحاجات الجميلة دي راحت فين ؟😔😔
كل ده اتقطع ومبقاش حد يجي على غفلة ولا بقى فى حد يفكر ف صلة الرحم الا من رحم ربي وكأنه ممنوع لازم يتصل ويتفق على معاد مع اي مناسبة ده لو جيه اصلاً
وحشتنا ضيوف الغفلة ووحشتنا اللمة حشتنا البساطة في بيوتنا واكلنا وعيشتنا ووحشونا ناس كان همهم الوحيد انهم يشوفونا فرحانين ومبسوطين🍂
11-24-2022, 08:26 AM
ايام البساطة
العرض العادي
