بنت البلد بنت الاصل

دور على بنت البلد
اللى على الأصول ربوها
جواها جراءة وأدب
ورجالة بشنبات يهبوها
تسلم سليلة النسب
مشرفة أبوها وأخوها
تصون عرضك وشرفك
لو السنين عنك بعدوها
.......
الأصيلة بنت البلد
تشيل راجلها فى عنيها
فى الشدة عزم وسند
بأكتافها قبل إيديها
وفى عواصف الزمن وتد
جزوره يشيل بيوت ويحميها
.......
بنت البلد مايهمها
لو العيش والملح أكلتها
تتحمل أسوة الجوع
ولو الفقر ساكن بيتها
على الحلوة والمرة تعيش
ولا تشتكى يوم حوجتها
لا قصور ولا مال يشغلها
وياويل اللى يلمس طرحتها
ولا الف راجل يغلبها
تسلم إيد الأم اللى ربتها
بنت البلد الأصيلة شجرة طيبة
بالمحبة والحنان بتضلل على بيتها.
..............
..... كلمات .. حمدى شاهين ..
.........

كم يروق لي المكوث بأرجاء مكان
سكبت فيه الروعة والجمال
تحياتي بالياسمين

هدوء

احسنت النشر

سلمت اناملك

يعطيك العافيه