يا مرحبا و مسهلا مليون وش حالك

يا طير ~


يا طير عافت نفسي الحب وإن لاق

قل له يكمل في جروحي جميله


قل له تراني طبت من كل الاشواق

والله يخلي كل خل لخليله


الحين يومه للأحاسيس تواق

ما حس باللي في ضلوعي قتيله ...؟


هو صح بإنه للكرم كان سباق

بس عاد ليت ان المواجع بخيله


يا طير ما فاد الزهر شامخ الساق

دام العطر عجزت رجوله تشيله


وسعت صدري بالصبر كل ماضاق

لين التصبر شب فيني فتيله...


... يصهرعيوني..ينزل الدمع حراق

وغير البكا ما عاد فاليد حيله


لو كان عند المحبره ذرة اخلاق

ما كان خلت هالقصيده عليله


وان كان همي لاوي كل الاعناق

ترى الوساده في دموعي كفيله


ياطير خل اللي ورا النفس ينساق

بكره يحلم في نفوس تجيله


وما دمت علمت الغدر كيف يشتاق

علم وفانا كيف يلعب ب ذيله


عشاق حنا بالإسم بس عشاق

شعار ما نشفي هوانا غليله


واللي تعود يبذل الحب لأوراق

يفرق عن اللي باذله في سبيله


و لي قلب حبه من دهاليز الاعماق

يا طير والله ما يلاقي مثيله


وياطير خبر من نوى الحب بفراق

حنا ترانا ... ما نوينا بديله

إمبراطورة البحر ,امي فضيلة معجبون بهذا