((قلبي أسيرك))

هب ي عليه من هبايبك ....... هبة
نسناس يبري الجروح .... العطيبات
هات ي نسيمك منطلق من مهبه
يطرب البال ويشرح الصدر . بالذات
قلبي جريح وشوفتك فيها .. طبه
مسحة يمينك تنعش قلب لنا مات
قول ي تعال اجيك لو وسط . غبة
واخوض انا لاجلك بحور ... عميقات
حبك سحرني وشب بالروح ... شبة
نار تلظى وزادها البعد ...... شبات
متى تروق وتمنح الشوق ..... حبة
حبة غلا ما فيها منة ...... وطلبات
نسعد بها يا شوق وذكرى المحبة
ذكرى جميلة تنحفظ ..... بالسجلات
والقلب يبكي ويشهد بابكاه . ربه
واعيش انا ما بين دمعة ... وعبرات
قلبي اسيرك وانت ي كله .... ولبه
يا اميرتي ويا سيد كل .. الخوندات

القارظ العنزي

انثى مختلفة ,سلطان الزين ,إمبراطورة البحر معجبون بهذا

قول ي تعال اجيك لو وسط . غبة
واخوض انا لاجلك بحور ... عميقات
حبك سحرني وشب بالروح ... شبة
نار تلظى وزادها البعد ...... شبات

الله عليك شاعرنا القارظ
قصيدة جزلة وقمة في الجمال
ابدعت صح لسانك وبيض الله ويهك
لا خلا ولا عدم من روعة بوحك وعذب قصايدك
الله يسعدك

لسموك كل شيء جميل

الله يجملك حالك ويطيب فالك امبراطورة البحر الغالية لا فض فوك على لطفك وذوقك الراقي احترامي

إمبراطورة البحر معجب بهذا

صح لسانك ولا هنت

صح احساسك سلطان الزين

اقتباس:

هات ي نسيمك منطلق من مهبه
يطرب البال ويشرح الصدر . بالذات
قلبي جريح وشوفتك فيها .. طبه
مسحة يمينك تنعش قلب لنا مات

صح لسانك يا ولدي القارظ على القصيدة الرائعة

صح احساسك امي فضيلة هذا من لطفك حفظك الله

صح لسانك واعتلى شانك شاعرنا

عاشق متيم و وصف رائع

تقديري لك

صح لسانك شاعرنا
ابيات جميلة وكلمات رائعة تحمل معاني جزلة
سلمت ولا عدمنا روعة وجمال طرحك وحضورك المميز