ايام الزمن الجميل

فاكر ايام الزمن الجميل شو كانت أكبر أحلامنا وأمنياتنا

لما كان التلفزيون الي بشبكة تتعلق عالسطح ويادوب القناة بتفتح وكل شوي تطلع عالسطح تحركها من هان لهان عشان تيجي القناة
لا وأخوك ولا اختك يصرخوا اجت .. لاء حرك كمان .. ايوووة اوقف .. ليش حركتها راحت .. ههههه

طيب فاكر ايام جوال النوكيا والبشار الي بيفتح لفوق والتاني الي قد ايد ابوك ابو الزراير ولعبة الدودة قديش كان حلمك وحلم اخواتك .. والي بيحمله تقول ماسك بايده ايفون ههههه .

فاكر لعبة الغميضة ونط الحبل وصنم حركة ؟ قديش كنا نلعبها في الشارع مع بنات الجيران والاولاد وصوتنا يوصل للحارة التانية والضحكة من القلب .

لا وأحلى شي لمة الجارات من الصبح كل يوم عند جارة عشان يتصبحوا بفنجان قهوة والي عندها تلقيط ملوخية والي عند فحر كوسا ولف دوالي يجيبوا طبختهم ويتجمعوا ويساعدوا بعض
لا ومن كتر م همة حبايب كل وحدة تبعت للتانية صحن من غداهم والتانية مش ترجع الصحن فاضي لاطبعا تحطلها من طبختها وترجعلها الصحن .

وياسلاااام لما يكون في مناسبة عن اي جار سواء فرح او عزا ، الكل بتجمع وبيشاركهم مناسبتهم وكأنها في بيته ، لا والأحلى احترام الجيران لبعض وقت مايكون في عزا عند حدا فيهم ، لابيغسلوا ولابيفتحوا تلفزيون ولابيعيشوا تفاصيل حياتهم عادية .. ما احلاها والله .

شو بدنا نتزكر لما نتزكر .. اي والله القلب بيفرح على جمال هديك الأيام وقديش قلوبنا كانت بريئة ومترابطة مع بعض .

عشقك خفوقي معجب بهذا

كانت اجمل ايام
واجمل زكريات
يسلمو هدوء
طرح بجنن متلك
عوافي لالك

عشقك خفوقي ,هدوء . معجبون بهذا

عواافي ع اطرووحاتك مبهجه جداً
طاب يومك وعافيهه